Kasar Zambiya mai arzikin tagulla za ta shiga zabe a wani fafatawa mai karfi tsakanin tsoffin abokan hamayya, tsohon dan adawa Hakainde Hichilema da Shugaba Edgar Lungu. Shi dai dan adawa Hichilema, wani hamshakin dan kasuwa ne mai shekaru 59 wanda ke neman takara karo na shida.

 Jagoran adawar kasar Hichilema ya wallafa a shafinsa na Twitter cewa "An hana ni zuwa Copperbelt saboda Mista Lungu yana can" a cewar jam'iyyar adawa United Party for National Development (UPND) wannan ba hujja ba ne na hana shi zuwa shi ma yakin neman zabe.