A jihohi da dama na Najeriyar, dandazon masu zanga-zangar a karo na biyu cikin watanni biyu sun fito dauke da kwalaye da kuma tutocin kasar tare da neman samun damarmaki da ayyukan yi ga matasa a kasar da ke zaman mafi yawan al'umma a nahiyar Afirka. A yanzu haka dai Najeriyar na zaman guda daga cikin kasashen duniya masu fama da fatara da yunwa, duk da kasancewar ta cikin kasashen duniya masu arzikin man fetur.