Da yake magana da manema labarai a cikin jirgin Air Force One, Trump ya ce Iran ta kusa ta ketare abin da ya kira layin gargadinsa, yana mai cewa rundunar sojin Amurka na nazarin matakai masu karfi.

Shugaban na Amurka ya kuma ce zai tattauna da attajirin duniya Elon Musk kan yiwuwar amfani da tsarin intanet na tauraron dan Adam, Starlink, mallakinsa domin bai wa ‘yan Iran damar shiga intanet.

Sai dai Shugaba Trump ya ce Iran tuni ta fara nuna sha'awar tattaunawa da shi. Amma  ya yi gargadin cewa Amurka na iya daukar mataki kafin ganawar saboda ci gaba da zanga-zanga da kuma cin zarafin masu zanga-zangar.

Karin bayani: Iran ta sha alwashin daukar fansa muddin Amurka ta kai mata hari

A gefe guda, babbar jami'ar diflomasiyyarTarayyar TuraiKaja Kallas ta ce za ta gabatar da shawarwarin kakaba sabbin takunkumai kan Iran, bisa abin da ta kira murkushe masu zanga-zangar da karfi.