A birnin Frankrurt da ke zama cibiyar kasuwancin Jamus sama da mutum 35,000 ne suka fita boren, karkashin taken kare dimukuradiyya.

Al'umma daga birane sama da 100 ne manya da kanana suka fito domin nuna rashin goyon bayansu ga wannan jam'iyya da ta yi kaurin suna wajen kin jinin baki.

'Yan siyasa da shugabannin majami'u da shugabannin kungiyoyin kwallon kafa ta Bundesliga, sun yi kira ga Jamusawa da su tashi tsaye wajen yin tir wannan akida da jam'iyyar ta AFD ke da ita.