Jigilar mutane 108 zuwa Libiya ba bisa ka'ida ba
July 31, 2018![Spanien - Ankunft von Fluechtlingen in Andalusien](https://static.dw.com/image/44865051_800.webp)
A martaninsa dangane da zargin ta dandalin sada zumunta na Facebook, ministan cikin gida Matteo Salvini ya ce, babu hannun jami'an tsaron ruwan Italiya a aikin ceton balle jigilar 'yan gudun hijirar, jami'an kasar Libiya ne suka aiwatar da shi a ta gabar tekun da ke bangarensu.
Babban kwamisshionan MDD mai kula da 'yan gudun hijira a Italiya, ya sanar ta shafinsa na Twitter cewar, tashar jiragen ruwan Libiya ba wuri ne da ya cancanci 'yan gudun hijirar ba, wanda ya sa daukarsu zuwa tashar ya zama keta dokar kasa da kasa.
Wani dan majalisar Italiya Nicola Frantoianni, ya ce akwai shaidar da ke tabbatar da yadda jirgin ruwan Italiya mai suna Asso Ventotto ya yi jigilar 'yan gudun hijirar zuwa Libiya, wanda idan hakan da umurnin jami'an tsaron ruwan Italiya ne, ya sabawa dokar kasa da kasa.