Jam'iyyar Shugaba Emmerson Mnangagwa ta ZANU-PF mai mulki a Zimbabuwen dai, na fatan ci gaba da rike  kaso 43 cikin 100 da ta samu a kasar. Ya zuwa yanzu sakamakon da Hukumar Zabe ta Zimbabuwen ta fitar, na nuni da cewa jam'iyyar ta ZNU-PF ta lashe mazabun 'yan majalisun Tarayyar 43 yayin da jam'iyyar adawa ta CCC ke da 37 cikin 210 din da ake da su a kasar. Ba a dai fara bayyana sakamakon zaben shugaban kasa ba wanda Shugaba Emmerson Mnangagwa mai shekaru 80 a duniya ke neman tazarce, a daidai lokacin da al'ummar kasar ke fama da matsanancin talauci.