Министерот за надворешни работи на Турција Абдула Ѓул престојува во посета на Скопје , на која со највисокот државно раководство на Македонија ќе разговара за можностите за унапредување на соработката меѓу двете земји. Ѓул на средбите со своите домаќини во текот на денов ќе размени мислења и за состојбите на Балканот , на Блискиот Исток , како и во Ирак и во Авганистан. Ѓул го придружува и стопанска делегација со претставници од 16 турски компании . Тие ќе учествуваат на седницата на македонско-турскиот деловен совет што ќе се одржи во Стопанската комора на Македонија.