По пеколните горештини, делови од Австралија сега се погодени погодени од катастрофални поплави. На сојузната држава Квинсленд ѝ се закануваат поплави на векот.
Фотографија: picture-alliance/dpa/A. Rankin
Реклама
На североистокот на Австралија над 20.000 луѓе се принудени на евакуација поради заканата од поплави. Поради наглиот пораст на водостојот на реките предизвикан од поројните монсунски дождови, на улиците се видени крокодили и змии. Прогнозите не се добри - имено, метеоролозите најавуваат уште дожд во наредните денови.
Фотографија: picture-alliance/dpa/A. Rankin
Градот Таунсвил во сојузната држава Квинсленд е речиси целосно под вода. Населението остана без струја, а многумина беа принудени од поплавите да се спасуваат на покривите од куќите. „Реката Рос ќе продолжи да расте сѐ до вечерва. Се очекуваат уште поголеми поплави во Таунсвил, многу улици ќе бидат под вода“, предупредуваат метеоролозите.
Ситуацијата стана особено драматична во саботата. „Ова се случува еднаш во 100 години“, рече премиерката на Квинсленд, Анастасија Палашчук. Во текот на денешниот ден се очекуваат уште пообилни дождови.
Фотографија: picture-alliance/dpa/A. Rankin
Стотици домови во Таунсвил се веќе евакуирани, но поплавите им се закануваат на уште 20.000 домаќинства. „Ако не морате, не излегувајте на улица“, предупредуваат дежурните служби.
Ситуацијата да биде уште полоша, граѓаните јавуваат дека на улиците се видени крокодили и змии. „Еден беше долг над 2 метра“, изјави една жителка на Таунсвил која фотографирала крокодил во својот двор.
Природните катастрофи видени од вселената
Како сателитите ја гледаат Земјата? И што откриваат за она што се случува на планетата? Погледнете ги овие импресивни фотографии на природни катастрофи, видени од вселената.
Фотографија: NASA
Ѕверот се разбуди
Без разлика колку долго „спијат“, вулканите секогаш се во лошо расположение кога ќе се разбудат. Меѓународната вселенска станица го снимаше регионот на Курилските острови во Русија, кога еруптираше вулканот Саричев во 2009 година. Дупката меѓу облаците овозможи да биде направена оваа фотографија. Не постои природен феномен кој не може да се набљудува од вселената.
Фотографија: NASA
Остана само пустина
Секојдневното набљудување на Земјата од вселената овозможува да се следат и климатските промени. Фотографиите (од лево кон десно) снимени во април 2014, јули 2015 и јануари 2016 нудат јасна слика на постепеното исчезнување на езерото Попо, некогаш второто најголемо езеро во Боливија, делумно и како резултат на климатските промени.
Фотографија: ESA/Belspo
Не си играјте со оган
Секоја година, пожарите ги уништуваат природата и животната средина во многу земји во светот. Пречесто, тие се предизвикани од човекот. Таков беше случајот и со Индонезија, каде фармерите ги палат дождовните шуми за да обезбедат плодна почва. На Борнео и Суматра сателитите открија големи пожари во септември 2015, а облакот од сив чад предизвика и големо загадување на воздухот.
Фотографија: NASA/J. Schmaltz
Големата поплава
Во Германија, родителите ги плашат децата дека доколку не јадат - ќе врне. И навистина, во 2013 врнеше толку многу што најголемите реки во централна Европа се излеаја од своите корита. Како што се гледа од оваа фотографија од 2013, Елба се излеа од коритото по големите дождови. Заматените води го прекриваат регионот околу Витенберг во покраината Саксонија Анхалт.
Фотографија: NASA/J. Allen
Во окото на ураганот
Силните бури можат да предизвикаат огромни штети. Информациите од вселената овозможуваат прецизно да се следат тие бури: нивната јачина, правецот, брзината... Во регионот на источниот Пацифик, во близина на Мексико, сателитските снимки го утврдија точното движење на тропската бура Сандра која се движеше со 160 километри на час во ноември 2015 година.
Фотографија: NASA/J. Schmaltz
Топење на глечерите
Сателитите играат клучна улога во следењето на климатските промени и процесот на топење на ледената обвивка. Од вселената, научниците успеаја да го документираат топењето на повеќе глечери, како и зголемувањето на морското ниво. Оваа фотографија, снимена од Меѓународната вселенска станица, го покажува повлекувањето на глечерот Упсала во аргентинска Патагонија од 2002 до 2013 година.
Фотографија: NASA
Запрете со дишење!
Во септември 2015 сателитите ја снимија оваа импресивна фотографија од Блискиот Исток обвиткан од песочна бура, т.н. хабуб, која погоди повеќе населени региони. Она што сателитите го забележуваат во вселената потоа се пренесува на сензорите кои го мерат квалитетот на воздухот на земјата, а тоа ги подобрува и метереолошките прогнози.
Фотографија: NASA/J. Schmaltz
„Голата планина“
Со овие зборови НАСА го објасни недостатокот на снег на планината Шаста во Калифорнија, основен извор на вода за целиот регион. Фотографиите кои ја документираат сушата од изминатите години постојано покажуваат кафеави планини кои всушност треба да бидат бели од снег. Паралелно со топењето на мразот, се проширува сушата.
