Албанија е на праг на институционална криза откако Парламентот ниту по четврти пат не успеа да избере претседател. Кандидатот на десницата, Бамир Топи, повторно доби 74 од потребните 84 гласа. Премиерот Сали Бериша изјави дека со ова земјата тргнала кон предвремени избори. И опозицијата смета дека тоа е единствениот излез. Според албанскиот Устав, доколку Парламентот и по пет гласања не успее да избере претседател, тогаш тој мора да се распушти, а изборите да се одржат во рок од 60 дена.