Албанскиот јавен обвинител Теодори Солаку побара од Парламентот да му се одземе имунитетот на министерот за надворешни работи Љуљзим Баши за да се овозможи судската постапка во која тој е осомничен за вмешаност во корупција и злоупотреба на должноста. Се сомнева дека Баши додека бил министер за сообраќај, на недозволен начин влијаел американско турскиот конзорциум Бечел Енка да го добие тендерот за изградба на делови од автопат во земјата, при што и нанел штета на земјата во вредност од 385 милиони евра. Против Баши се уште нема подигнато обвинение, а не е утврден ниту датумот на парламентарната седница на која би се расправало за одземање на неговиот имунитет.