Гледачите во регионот ќе можат да ја следат програмата на оваа глобална информативна мрежа преку кабелските и ИПТВ оператори, преку сателитот на ЕутелСат, како и преку земјен сигнал во Босна и Херцеговина.

Програмата на Ал Џазира Балканс ќе биде првата програма која оваа глобална телевизија ја прикажува на друг јазик, освен на англиски или арапски.

Ал Џазира ветува независно и непристрасно известување

Користејќи ја регионалната мрежа на дописници, како и глобалните дописништва на Ал Џазира, Ал Џазира Балканс на гледачите во регионот ќе им носи како регионални, така и глобални вести, а од овој регион ќе известува за гледачите во светот кои ги следат програмите на англиската и арапската програма на Ал Џазира.

Шесте часа вести кои локално се продуцираат, интервјуата, коментарите и анализите, како и најавената квалитетна документарна програма која ќе ја емитува Ал Џазира Балканс претставуваат почеток на едно ново поглавје во медиумското известување во регионот.

Ал Џазира Балканс ќе работи под слоганот „Од секој агол и за секоја страна“ и ветува независно и непристрасно известување.

Автор: ЖА/СН/миа/бета

Редактор: Е. М. Фиданоска