Припадници на забранетата албанска паравоена група патролираат низ градовите од северно Косово долж административната граница со Србија бидејќи се испровоцирани од српските закани, објави денеска агенцијата Асошиетед Прес. Командантот на забранетата АНА, која ОН ја прогласија за терористичка, за АП изјавил дека тие се разочарани од косовските политички лидери и сметаат дека преговорите за идниот статус на Косово се пропаднати. Командантот кој се нарекува Прека,тврди дека АНА на Косово има 12 000 члена. Вакви информации денеска објави и приштинскиот весник „Експрес“ кој пишува и дека АНА постојано регрутира нови членови на северот на покраината.