АстраЗенека - дилемите околу вакцината се развеани
Бернд Ригерт
19 март 2021
Германија, Франција, Италија, Бугарија, Латвија и Словенија го продолжуваат вакцинирањето со АстраЗенека по позитивниот извештај од ЕМА, спoред кој ризикот од тромбоза поради вакцината е многу мал.
Фотографија: Piroschka van de Wouw/REUTERS
Реклама
„Што се однесува до мене, уште утре би се вакцинирала“ – со оваа недвосмислена порака директорката на Европската агенција за лекови (ЕМА), Емер Кук се обиде да ги разбие сомнежите во вакцината на АстраЗенека. ЕМА повторно даде „зелено светло“ за оваа вакцина. „Дојдовме до јасен заклучок дека вакцината не може да биде доведувана во врска со згрутчувања на крвта“, истакна Кук. Вакцината, чија употреба беше привремено прекината во 15 европски држави, е безбедна. „Користа од вакцината против Ковид-19 убедливо ги надминуваат можните ризици“, соопшти Комисијата на ЕМА за проверка на безбедноста вчера во Амстердам.
Сабине Штраус, претседателка на Комисијата, рече дека се стигнати вкупно 25 извештаи за ретки видови тромбоза кај вакцинираните, но бројката мора да се посматра во корелација со 20 милиони вакцинирани. Бројот на можни нуспојави е многу мал, во предвид се земени сите до вчера пријавени случаи од земјите членки на ЕУ. Шефицата на ЕМА очекува во земјите во текот на неделава вакцинирањето со АстраЗенека да продолжи, имено – ЕМА само изрекува препораки, а фактичката одлука остануваат на националните власти. „Државите чекаа на нашиот извештај, за нив ЕМА е исклучително важна, а сега можат да носат одлуки“, рече Кук.
Вакцини- адути на човештвото против Ковид-19
Глобалната кампања за вакцинација против Ковид-19 зема сѐ поголем замав. Во различни земји, создадени се или на повидок се вакцини, кои сега се главно оружје на човештвото во справувањето со пандемијата.
Фотографија: Francis Dean/Dean Pictures/imago images
Бионтек/Фајзер: почеток на иРНК-револуцијата
Првата вакцина против Ковид-19, одобрена за употреба во САД и во ЕУ, беше вакцината на германските научници со турски корени Угур Шахин и неговата сопруга Озлем Туречи. Нивната фирма Бионтек од Мајнц влезе во сојуз со американскиот гигант Фајзер. Медиумите почнаа да зборуваат за „револуција“ во фармацевтската индустрија, откако е создадена првата иРНК вакцина.
Фотографија: Francis Dean/Dean Pictures/imago images
Модерна: родум од универзитетот Харвард
Американската компанија за биотехнологија Модерна е специјализирана и за РНК технологии, кои се сметаат за нов чекор во медицината. Нејзиното седиште се наоѓа во Кембриџ, Масачусетс, во близина на универзитетот Харвард, чии научници ја основаа компанијата во 2010 година. Вакцината на Модерна, создадена со финансиска поддршка од властите, беше втората корона-вакцина регистрирана во САД и во ЕУ.
Фотографија: Matthew Healey/AFP/Getty Images
АстраЗенека: „Оксфордската вакцина“
Научниците од Универзитетот Оксфорд во соработка со британско-шведската компанија АстраЗенека вршеа клинички испитувања и производство на нивната вакцина. Таа во голема мерка се користи во Велика Британија, ги исполнува условите во ЕУ и активно се користи во земјите во развој, бидејќи „вакцината од Оксфорд“ има многу ниска цена. Така, таа се произведува во Индија за локалниот пазар и за извоз.
Фотографија: Channi Anand/AP/picture alliance
Спутник V: првата одобрена вакцина во светот
Во август 2020, Русија објави дека прва во светот регистрирала вакцина против коронавирусот наречена Спутник V. Масовната вакцинација на руското население официјално започна во јануари 2021. Оваа векторска вакцина, изработена од научниците од Московскиот центар Гамалеја, се промовира на странските пазари од страна на Рускиот фонд за директни инвестиции.
Фотографија: Aizar Raldes/AFP/Getty Images
Џонсон и Џонсон: доволна е една доза
Американска корпорација Џонсон и Џонсон е еден од шесте производители на корона-вакцини со кои ЕУ склучи прелиминарни договори за снабдување. Од нејзината векторска вакцина потребна е само една доза, а не две како останатите и се чува во конвенционални фрижидери. За ЕУ оваа вакцина, која доби дозвола за употреба на 11.03. ќе ја произведува белгиската сестринска фирма на Џонсон и Џонсон - Јансен.
Фотографија: Johnson/AP/picture alliance
Синовак: тивкиот конкурент од Кина
Без многу врева и детални извештаи за клиничките испитувања, Кина разви најмалку три вакцини. Една од нив, создадена од деактивиран коронавирус, Синовак Биотек ја тестираше во неколку азиски земји, вклучувајќи ја и Индонезија, која потоа веднаш ја нарача. Да им даде пример на своите сонародници, претседателот на Индонезија, Џоко Видодо, прв се вакцинираше.
Фотографија: Laily Rachev/Biro Pers Sekretariat Presiden
Синофарм: Првата кинеска вакцина
Станува за вакцина со „деактивиран“ вирус која државната компанија ја разви во соработка со Институтот за вирологија од Вухан. Овој вид на вакцини се користи веќе со децении, со добри резултати во пракса. Вакцината која веќе се користи во Србија и во Унгарија, беше првата која доби одобрение за употреба од кинеските власти.
Американската фармацевтска компанија Новавакс објави дека нејзината вакцина е 96 процентно ефикасна против оригиналниот вирус и 86 проценти против британскиот сој. Тоа произлегува од студијата што Новавакс ја спроведуваше во Велика Британија. Вакцината може да биде одобрена за употреба во САД уште во мај, доколку властите утврдат дека податоците од Велика Британија се доволни, соопшти компанијата.
Фотографија: Justin Tallis/AFP/ Getty Images
КјурВак: Печатач за вакцини на Тесла
Втората германска иРНК вакцина, која се очекува да биде регистрирана до лето, ќе биде произведена и извезена на глобално ниво од компанијата КјурВак од Тибинген, во партнерство со концернот Баер. Но, ќе биде можно таа да се направи директно во клиниките ширум светот. Елон Маск (втор од лево) демонстрираше мобилен печатач на вакцини создаден од германската сестринска фирма Тесла Громан.
Фотографија: picture-alliance/dpa/T. Schwarz
Санофи: два неуспеха и помош за Европска унија
Француската компанија Санофи е еден од најголемите светски производители на вакцини. Но, овојпат тоа не и' успеа - двапати: ни заедничкиот развој со британската ГлаксоСмитКлајн, ниту обидот за создавање иРНК вакцина досега не дадоа резултати. За да помогне во обезбедувањето на вакцини за земјите од ЕУ, нејзината фабрика во Франкфурт на Мајна ќе произведе 125 милиони дози од вакцината на Фајзер.
Фотографија: C. Stoll/Sanofi
10 фотографии1 | 10
Дополнување во упатството
Таа истакна дека експертите од Амстердам ќе продолжат да ги следат и внимателно да ги анализираат сите извештаи околу можни придружни појави и тромбози. Како мерка на претпазливост, упатството за користење на вакцината ќе биде проширено со предупредување од згрутчување на крвта, кое е можеби релевантно за пациенти со одредени коморбидитети.
Сабине Штраус објасни дека ризикот за развој на тромбоза поради вакцинирањето против Ковид-19 е многу мал, иако не може целосно да биде исклучен. Статистички гледано, во ЕУ секој месец се дијагностицираат 1000 случаи на тромбоза, дополнителниот број се наоѓа под очекувањата. Ова важи за сите одобрени вакцини, не само за АстраЗенека. ЕМА не може да потврди дали ризикот кај жените пушачи кои користат анти беби пилула, е повисок отколку кај другите. Ваква претпоставка беше изразена во Германија.
Производителот АстраЗенека уште пред неколку дена отфрли секаква поврзаност меѓу тромбоза и вакцината, во ниедна од клиничките студии не била забележана ваква нуспојава. ЕМА потврди дека нема сознанија одредени произведени серии на вакцината да се полоши од останатите: „Квалитетот на производот не е доведен во прашање“, потенцира шефицата на ЕМА, Емер Кук.
Продолжување со вакцинирањето
Некои експерти сметаат дека драмата околу наводните придружни појави може да ја урниса довербата во вакцината на АстраЗенека и во вакцинирањето против Ковид-19. Блиц анкета во Германија покажа само лесно намалување на подготвеноста на граѓаните за вакцинирање – од 73 % на 71 % од анкетираните. Светската здравствена организација (СЗО), која вакцината исто така ја смета за сигурна, предложи испитување на нуспојавите без прекинување на вакцинацијата, став кој го дели и ЕМА. Извештаите за можни нуспојави кај вакви широки кампањи на вакцинирање се очекувани, поради нив не може постојано да се прекинува имунизацијата.
„Вакцината е единствено решение за излез од Ковид-кризата“
15:47
This browser does not support the video element.
Половина од државите членки на ЕУ немаат никакви проблеми со вакцината АстраЗенека. Белгиските политичари на пример покажаа спремност земјата да ги прифати дозите кои другите земји не би ги употребиле поради извештаите за тромбоза.
Германскиот министер за здравство Јенс Шпан најави продолжување на употребата на вакцината АстраЗенека во Германија уште од денеска. И во Италија вакцинирањето ќе продолжи, наскоро и во Шпанија. Слични реакции се очекуваат и во другите држави. Но, шведската здравстввена служба најави неколку дена да ги студира испитувањата на ЕМА и потоа да донесе одлука.
Британската надзорна служба за здравството повторно ја прогласи вакцината АстраЗенека за безбедна и ефикасна. Серумот, создаден во соработка со Универзитетот Оксфорд во кампањата за вакцинирање во Велика Британија се употребува многу почесто отколку во остатокот од ЕУ, каде АстраЗенека има проблеми при лиферувањето. Британскиот премиер Борис Џонсон во Лондон изјави: „Утре ќе се вакцинирам“.
