Ајхел во Брисел за германскиот буџет во 2005 година
11 мај 2004Германскиот министер за финансии Ханс Ајхел го изнесе својот буџетски курс пред новиот европски комесар за монетарна политика Жоакин Алумниа. Министерот соопшти дека Германија во 2005 година, по четвртипат по ред, ќе има превисоки нови задожувања, над три проценити од бруто домашниот производ. Ајхел во Брисел укажа на престојната проценка на приходот од данокот и паднатите даночни добивки
“Ситуацијата не е радосна. Јас реков дека неможам да исклучам, при усвојување на буџетот да ја надминеме границата, но дека се’ ќе сториме, во текот на една ипол година да постигнеме резултат.”
Ова треба да значи дека во предлог буџетот за 2005 ќе бидат предвидени повисоки долгови, но дека министерот за финансии ќе се обиде да ги намали долговите во текот на буџетната година. Министерот ги одби исказите на некои колеги од кабинетот во Берлин, според кои треба да се напушти курсот на консолидација
“Сите зборувања за промена на финансиско – политичкиот курс се апсолутна безсмислица.”
Во моментов неможе повеќе да се штеди смета Ајхел, тоа би го спречило тукушто започнатото економско опоравување
“ Економскиот полет не е толку силен, за да неможе да биде скршен” рече Ајхел.