Грчкиот министер за надворешни работи Дора Бакојани денеска во Атина во говор пред парламентарната комисија за надворешна политика ја обвини Македонија за водење двојна политика за името. Бакојани смета дека властите во Скопје од една страна размислуваат за членство во меѓународните организации под референциата ФИРОМ, а од друга директно го спорат таквото име. Бакојани смета дека Грција има шест месеци период во кој треба да изврши меѓународен притисок за изнаоѓање име за меѓународна употреба, односно пред да се одлучува за членство на Македонија во НАТО на самитот во Букурешт.