Демонстрациите во Билбао, најголемиот град на Баскија, ги организираше сојуз од повеќе левичарски партии, националистички движења и синдикални организации, кои се залагаат за независноста на Баскија од Шпанија, но го отфрлаат тероризмот како средство. Илјадниците демонстранти, покрај независноста на Баскија бараа и амнестија за околу 700 уапсени членови на ЕТА.

„Единственото што се смени е дека ја нема повеќе ЕТА. Но, борбата на баскискиот народ продолжува и се надеваме дека ова е почеток на изнаоѓањето решение за конфликтот“, порача една демонстрантка.

ЕТА во четвртокот најави дефинитивен престанок на оружените активности по цели четири децении залудна борба за независност на Баскија. Поради тоа САД и ЕУ ја означија ЕТА како терористичка организација. Таа се смета за одговорна за смртта на преку 800 лица.

Автор: ГЧ/ЖА/дв

Редактор: Ж. Ацеска