Ова е прва воена акција на новата американска администрација под раководство на Џо Бајден. Воздухопловните сили нападнаа цели во источна Сирија на границата со Ирак, во прв ред објекти на проирански милиции.
Реклама
Американската воена авијација, по наредба на претседателот Џо Бајден, изврши воздушни напади во источна Сирија на објекти за кои Пентагон вели дека и' припаѓаат на проиранската милиција.
Воздушниот напад претставува одговор на ракетниот напад на американските цели во Ирак и беше во ограчичени размери, најверојатно за да не дојде до ескалација, пренесува агенцијата Ројтерс.
„По наредба на претседателот Бајден, американската војска вечерва изведе воздушни напади на инфраструктура која ја користат милитантни групи со поддршка на Иран во источна Сирија“, изјави портпаролот на Пентагон Џон Кирби.
Тој наведе дека Бајден ќе делува со цел да ги заштити американските и коалициските војници. „Во исто време делувавме на одреден начин со цел да не дојде до деескалација на целата ситуација на истокот на Сирија и во Ирак“, додаде Кирби.
Кои се избраниците за новиот кабинет на Џо Бајден?
Избраниот претседател на САД Џо Бајден почна да го екипира својот кабинет подготвувајќи се за влез во Белата куќа. Многумина од неговите кандидати беа во администрацијата на Барак Обама, а изборот го потврдува Сенатот.
Фотографија: Mike Coppola/Getty Images
Ентони Блинкен, министер за надворешни работи
Блинкен е долгогодишен близок соработник на новоизбраниот претседател Џо Бајден. Тој работел во администрацијата на двајца демократски претседатели и бил истакнат советник во Комисијата за надворешни работи на Сенатот. Извршувал и функција заменик – национален советник за безбедност, како и заменик државен секретар во втората влада на Обама, кога Бајден беше вицепретседател.
Фотографија: Mike Coppola/Getty Images
Џон Кери, специјален претседателски пратеник за клима
Поранешниот министер за надворешни работи ќе биде специјален претставник на Бајден за прашања поврзани со климата. Кери од 1983 до 2013 година беше сенатор во Масачусец, пред да ја преземе највисоката функција во надворешната дипломатија во втората влада на Обама. Кери во името на САД во 2015 година го потпиша Парискиот договор за климата, а две години подоцна Трамп ја повлече земјата од него.
Фотографија: picture-alliance/dpa/B. Pedersen
Линда Томас-Гринфилд, амбасадор на САД во ОН
Линда Томас-Гринфилд од 2013 до 2017 година беше на важни позиции во Министерството за надворешни работи. За време на епидемијата на ебола, таа ја раководеше американската политика во Африка јужно од Сахара. Бајден планира да ѝ ја довери важната функција за Белата куќа, амбасадор во ОН.
Фотографија: DW/S. Broll
Алехандро Мајоркас, министер за внатрешна безбедност
Адвокатот со кубанско потекло за време на претседателот Обама беше заменик-шеф за внатрешна безбедност и раководеше со реализација на програмата ДАЦА, која на т.н. „сонувачи“, како деца илегално донесени во САД, им овозможуваше останување во земјата. Доколку биде потврден неговиот избор, тој би бил прв доселеник и латино кој ќе го води секторот за внатрешна безбедност.
Фотографија: Thilo Rückeis/picture-alliance
Џејк Саливан, советник за национална безбедност
Саливан од 2013 до 2014 беше советник на Џо Бајден за национална безбедност, додека тој беше потпретседател. Тој беше и заменик на Хилари Клинтон на функцијата министер за надворешни работи. Подоцна Саливан беше нејзин највисок советник за надворешнополитички прашања за време на нејзината претседателска кандидатура во 2016 година.
Фотографија: picture-alliance/AP Photo
Аврил Хаинс, директор за национално разузнавање
Хаинс беше прва жена заменик директор на ЦИА, во периодот од 2013 до 2015 година. Таа го наследи Ентони Блинкен на позицијата заменик-советник за национална безбедност кога тој во 2015 година замина во Министерството за надворешни работи. Ако се потврди нејзиниот избор, таа ќе биде прва жена која ќе раководи со американските тајни служби.
Тој рече оти во нападите се уништени многу објекти на граничниот контролен пункт кои ги користат проиранските групи како што се Катаиб Хезболах и Катаиб Сајид ел Шухада.
Најмалку 17 проирански борци се убиени во американските напади, соопшти денеска Опсерваторијата за човекови права. „Во нападите се уништени три камиони со муниција (...) Има многу загинати“, изјави директорот на Опсерваторијата за човекови права, Рами Абдел Рахман. Тој наведе дека според првите податоци загинале најмалку 17 припадници на коалицијата на проиранските ирачки паравоени формации.