Тој сè уште не е на функција - но идниот претседател на САД не губи време: Џо Бајден во телевизиски говор го претстави својот предлог-пакет за помош во корона-кризата. Обемот: 1,9 билиони долари.
Фотографија: Matt Slocum/dpa/picture alliance
Реклама
Новоизбраниот претседател на САД, Џозеф Бајден, претстави предлог стимулативен пакет, наведувајќи дека се потребни смели инвестиции за да се придвижи економијата и да се забрза дистрибуцијата на вакцините, за да може се стави под контрола коронавирусот, пренесува Гласот на Америка.
Бајден во 2020 година водеше кампања која се засноваше на ветување дека ќе ја сфати пандемијата посериозно од претседателот во заминување Доналд Трамп, а цел на пакетот кој го претстави е токму од зборови во дело, така што ќе овозможи прилив средства за одговор на Ковид-19 и за економско опоравување.„Кризата на длабокото човечко страдање ни е пред очите и нема време за губење.
Фотографија: picture-alliance/dpa/J. West
Мораме да стапиме во акција и тоа веднаш“, рече Бајден за време на обраќањето од Делавер во ударен телевизиски термин.
Пакетот помош опфаќа 415 милијарди долари за поддршка како одговор на вирусот и за дистрибуција на вакцините против коронавирусот, околу 1.000 милијарди за директна исплата на американските домаќинства и околу 440 милијарди за малите и средните фирми и заедници кои се особено тешко погодени од пандемијата. Или севкупно 1,9 билиони долари.
Кои се избраниците за новиот кабинет на Џо Бајден?
Избраниот претседател на САД Џо Бајден почна да го екипира својот кабинет подготвувајќи се за влез во Белата куќа. Многумина од неговите кандидати беа во администрацијата на Барак Обама, а изборот го потврдува Сенатот.
Фотографија: Mike Coppola/Getty Images
Ентони Блинкен, министер за надворешни работи
Блинкен е долгогодишен близок соработник на новоизбраниот претседател Џо Бајден. Тој работел во администрацијата на двајца демократски претседатели и бил истакнат советник во Комисијата за надворешни работи на Сенатот. Извршувал и функција заменик – национален советник за безбедност, како и заменик државен секретар во втората влада на Обама, кога Бајден беше вицепретседател.
Фотографија: Mike Coppola/Getty Images
Џон Кери, специјален претседателски пратеник за клима
Поранешниот министер за надворешни работи ќе биде специјален претставник на Бајден за прашања поврзани со климата. Кери од 1983 до 2013 година беше сенатор во Масачусец, пред да ја преземе највисоката функција во надворешната дипломатија во втората влада на Обама. Кери во името на САД во 2015 година го потпиша Парискиот договор за климата, а две години подоцна Трамп ја повлече земјата од него.
Фотографија: picture-alliance/dpa/B. Pedersen
Линда Томас-Гринфилд, амбасадор на САД во ОН
Линда Томас-Гринфилд од 2013 до 2017 година беше на важни позиции во Министерството за надворешни работи. За време на епидемијата на ебола, таа ја раководеше американската политика во Африка јужно од Сахара. Бајден планира да ѝ ја довери важната функција за Белата куќа, амбасадор во ОН.
Фотографија: DW/S. Broll
Алехандро Мајоркас, министер за внатрешна безбедност
Адвокатот со кубанско потекло за време на претседателот Обама беше заменик-шеф за внатрешна безбедност и раководеше со реализација на програмата ДАЦА, која на т.н. „сонувачи“, како деца илегално донесени во САД, им овозможуваше останување во земјата. Доколку биде потврден неговиот избор, тој би бил прв доселеник и латино кој ќе го води секторот за внатрешна безбедност.
Фотографија: Thilo Rückeis/picture-alliance
Џејк Саливан, советник за национална безбедност
Саливан од 2013 до 2014 беше советник на Џо Бајден за национална безбедност, додека тој беше потпретседател. Тој беше и заменик на Хилари Клинтон на функцијата министер за надворешни работи. Подоцна Саливан беше нејзин највисок советник за надворешнополитички прашања за време на нејзината претседателска кандидатура во 2016 година.
Фотографија: picture-alliance/AP Photo
Аврил Хаинс, директор за национално разузнавање
Хаинс беше прва жена заменик директор на ЦИА, во периодот од 2013 до 2015 година. Таа го наследи Ентони Блинкен на позицијата заменик-советник за национална безбедност кога тој во 2015 година замина во Министерството за надворешни работи. Ако се потврди нејзиниот избор, таа ќе биде прва жена која ќе раководи со американските тајни служби.
Чековите за семејствата би требало да изнесуваат 1.400 долари по лице, покрај веќе испорачаните 600 долари по лице кои ги добија Американците од претходниот пакет помош, кој го усвои Конгресот. Дополнителното осигурување за невработените, исто така, би се зголемило од 300 на 400 долари неделно и би се продолжило до септември.
Претставниците на тимот за транзиција наведоа дека планот на Бајден ќе биде пакет помош по кој ќе следи уште еден силен пакет за неколку недели.Отповикувањето на претседателот во заминување Доналд Трамп, во Представничкиот дом се заканува да го згусне календарот во Сенатот, но Бајден изрази надеж дека Сенатот ќе може да направи баланс меѓу процесот за импичментот и другите приоритети.
