Со преземањето на Монсанто, германскиот хемиски и фармацевтски гигант Бајер создаде нов агростопански гигант. Тоа е добрата вест, иако „дилот“ носи и многу ризици, смета Хенрик Беме.
Фотографија: picture-alliance/epa efe/W. Carvalho
Реклама
Империјата на злото сега има седиште во Леверкузен, мало индустриско гратче северно од Келн. Тоа еден од начините на кои ќе се интерпретира преземањето на американскиот производител на семенски материјали од страна на германската корпорација.
Секако, Монсанто е познат по своите контроверзни и агресивни бизнис практики, неговите генетски модификувани производи, и како произведувач на озлогласениот „Глифосат“, хемикалија за која постојат сомневања дека предизвикува рак. Сепак, користењето на пестицидот во Европа е легално. Но во иднина, критичарите на глобалната земјоделска индустрија ќе можат својот гнев да го изразат токму пред портите на Бајер во Леверкузен.
Хенрик Беме
Таму ќе биде седиштето на најголемиот светски производител на семенски материјали и пестициди. Тоа беше амбициозната цел на првиот човек на Бајер, Вернер Бауман кој за 6 месеци си заминува од функцијата. За да ја оствари оваа цел, Бајер инвестираше многу. Зделката од речиси 59 милијарди евра, не само што е голема, туку е и најголемото преземање во готовина на една компанија во историјата.
Но дали зделката е навистина добра, со оглед на високата цена? Купување на компанија со толку лош имиџ и плаќање толку многу пари - во кеш? Јасно е дека Бајер во иднина ќе мора да генерира многу пари од продажба за да може да ја исплати инвестицијата, затоа што за разлика од Епл, оваа компанија нема толку пари.
Митови за прехранбените намирници - што е вистина, а што лага?
Дали е кафето добро или лошо? Дали маргаринот е поздрав од путерот? Она што денес е познато како многу здраво, утре може да биде многу штетно - и обратно. Под лупа ставивме дел од „митовите за прехранбените намирници“.
Фотографија: picture-alliance/dpa/T. Hase
Дали се’ уште ви се јадат колачиња од цимет?
Циметот не е здрав! Една од неговите состојки, кумарин, во високи концентрации може да предизвика оштетувања на црниот дроб и бубрезите. Ако малку подобро разгледате околу себе, ќе пронајдете бројни намирници кои, според актуелните научни истражувања, е подобро е да се избегнуваат. Но, тие може да се променат многу брзо.
Фотографија: picture-alliance/dpa
Црн отров или волшебен напиток?
„Кафето предизвикува рак“; „Кафето е штетно за нервите“; „Да се пие многу кафе не е добро за метаболизмот“ - накусо: кафето е нездраво. Тоа убедување владееше долго. Денес знаеме дека кафето е многу подобро од гласот кој го следи. Се верува дека дури може да спречи и некои видови на рак.
Фотографија: picture-alliance/dpa/T. Hase
Во виното е вистината?
Алкохолот е дефинитивно нездрав, но црното вино содржи многу чудотворни молекули кои се познати како многу здрави, на пример ресвератрол, природен антиоксиданс на кој му се припишува позитивното дејство на работата на крвниот систем, зајакнување на имунолошкиот систем, па дури и забавување на процесот на стареење. Се препорачува една чаша вино дневно. Но, само една!
Фотографија: Beboy/Fotolia
Путер или маргарин?
Веќе пред неколку години, медицинските стручњаци почнаа да не’ советуваат наместо путер да користиме маргарин, бидејќи тој содржи помалку заситени масти отколку путерот. Други пак, не’ предупредуваат дека маргаринот е нездрав, бидејќи е неприроден производ полн со хемија, бучкуруш кој настанал во лабораториите на прехранбената индустрија. И во едното и во другото има вистина.
Фотографија: picture-alliance/dpa
Природен непријател?
Ако некој умре од инфаркт, се знае кој е главниот виновник - холестеролот. Конечно, тој е оној кој ги затнува крвните садови. Како големи „холестеролски бомби“ се познати јајцата, сирењето и црвеното месо. Но, на човечкото тело му треба холестерол и згора на тоа, сам го произведува. Освен тоа, постои „добар“ и „лош“ холестерол. Денес, некогашниот „злосторник“ е веќе прилично рехабилитиран.
Фотографија: picture-alliance/dpa
Отров од супа во кеса?
Глутамат - засилувач на вкус познат како опасен, не само затоа што прехранбената индустрија со него сака да „ги нашминка“ нискоквалитетните производи, туку и затоа што, наводно, може да предизвика „синдром на кинески ресторан“, заболување кое наводно се манифестира со симптоми како потење, треперење и вкочанетост. Чудно е што ниедна контролирана студија не успеала да докаже постоење на тој синдром
Фотографија: etiennevoss - Fotolia
Мит од замрзнувачот?
Многу луѓе и денес се’ уште се држат настрана од замрзнатиот зеленчук. Затоа што се зборува дека тоа има помалку витамини од свежиот зеленчук. Но, всушност, е обратно. Замрзнатиот зеленчук е побогат со хранливи и здрави состојки - ако веднаш откако е набран адекватно се замрзне и не лежи со денови во кутии. Но, кога ќе се прошири некоја гласина, тешко е да се уништи.
Фотографија: PhotoSG - Fotolia
Во рибата е спасот?
До неодамна се веруваше дека омега-3-масните киселини можат да бидат заштита од речиси сите болести: рак, заболувања на срцето и крвотокот, дури и од пореметување на концентрацијата и депресија. Медицинските стручњаци советуваа секој ден да голтаме по една капсула со тој чудесен еликсир. Во меѓувреме знаеме дека заситените масни киселини се важни за некои метаболички функции, но не се чудотворни.
Фотографија: Fotolia/joemakev
Премногу добро може да биде лошо?
Витамините ни се потребни за живот. Пред се’ потребен ни е витамин Ц, кој не’ чува од настинки и вирози. Значи, кој сака да биде поздрав, мора секој ден да пие по една витаминска таблета. Но, тоа студиите не успеале да го докажат. Згора на тоа, во меѓувреме се верува дека витаминските таблети можат да му наштетат на организмот. Така барем се мисли денес. Што ќе биде утре...
Фотографија: Fotolia
Колку повеќе пиеш, толку поздрав ќе бидеш?
Мајката природа смислила една супер работа: кога нашето тело има потреба од течности, чувствуваме жед. Но, тогаш некој се досетил на теоријата дека треба да пие и пред тоа. Најмалку три литри течност дневно. Таа можеби влече корени од сознанието дека многу луѓе во староста го губат чувството за жед. Но, кај многу луѓе тој се’ уште многу добро функционира.
Фотографија: Fotolia/photo 5000
„Био“ значи секогаш подобро?
Кога она што го јадеме содржи премногу хемија, тогаш био-производите се вистинска алтернатива - без пестициди и штетни хемиски супстанции. Или барем со помалку, за разлика од конвенционалните производи. Но, студиите покажуваат дека био-намирниците не се нужно побогати со здрави состојки или подобри за нашето здравје. Само едно е сигурно - поскапи се.
Фотографија: picture-alliance/dpa
Рецепт за здравје - умереност
Покрај митовите кои не’ следат во животот и многуте предрасуди, исхраната и начинот на живот се важни за здравјето. Статистиките покажуваат дека пушењето, алкохолот, дебелината и недоволно вежбање се најголемиот непријател за здравјето. Но, текстовите кои демонизираат одредени намирници, а други пак ги креваат до небо, треба секогаш да се земаат со резерва. И да не се претерува - во ништо.
Фотографија: picture alliance/ZB
12 фотографии1 | 12
Иднината на земјоделството е дигитална; „дигитално фармерство“ е модерниот збор. Со огромниот раст на светското население, сѐ повеќе усти треба да се прехранат. А тоа треба да се постигне и покрај климатските промени кои го загрозуваат и уништуваат родот во многу региони во светот.
Треба да се дозволи да се размислува за нови начини на одгледување на културите и производство на храна. Сега кога Бајер го поседува Монсанто, со седиште во земја која забранува генетски инженеринг, тоа би можело да има последици за портфолиото на новиот гигант. Со спојувањето на ресурсите на Бајер и на Монсанто, сепак, компанијата би можела да најде и подобри одговори на проблемот со исхраната на милијарди луѓе без уништување на планетата. Во тој случај, секој долар потрошен на оваа аквизиција би можел да се исплати.