Интернет корисници доцна синоќа почнаа да укажуваат дека страниците на Дојче веле веќе не се достапни преку одредени провајдери. Уште не е познато дали интернет-понудите на  Дојче веле  се блокирани низ цела Белорусија.

Заменикот министер за информации Андреј Кунцевич соопшти дека Министерството за информации во Минкс донесло одлука да го ограничи пристапот на интернет до редица  информативни портали , меѓу кои и  Дојче веле.  Според Кунцевич, согласно со членот 19 од Законот за борба против екстремизам, забрането е ширење на „екстремистички материјали“. Истовремено, членот 38 на Законот за масовни медиуми забранува ширење на соодветни хиперлинкови.

Дојче веле на почетокот од оваа година значително ги прошири своите понуди за Белорусија, со намера медијално да го следи подемот на цивилното општество  во земјата.

ДВ