По осум години во егзил денеска во Пакистан се враќа поранешната премиерка Беназир Буто. Поради смртни закани од исламски екстремисти, за нејзината безбедност во акција се ставени неколку илјади безбедносни сили. Враќањето се овозможи, откако претседателот Первез Мушараф ги симна обвинувањата против неа за корупција. Но, сепак судот треба да одлучи за исправноста на одлуката. Неколку илјади приврзеници веќе се собираат да ја пречекаат Буто.