Кусо пред почетокот на самитот на ЕУ партиите на италијанската владина коалиција сепак постигнаа начелен договор околу неопходните стопански реформи во земјата погодена од должничката криза.

Останува меѓутоа спорното прашање околу зголемувањето на старосната граница за пензионирање од сегашните 65 на 67 години, што категорично го отфрла помалиот коалиционен партнер, Северната лига.

Италијанските весници пишуваат дека Северната лига нуди согласност по ова прашање ако за возврат Берлускони се повлече од функцијата кон крајот на годината и се согласи на нови избори во март 2012 година. Наводно, Берлускони го прифатил предлогот. ЕУ претходно бараше од владата на премиерот Силвио Берлускони писмено ветување за мерките за санирање на државниот буџет.

Автор:ЖА/ СН/дв/ртр

Редактор: Симе Недевски