Билт го критикува односот на САД
29 април 2007Американските закани дека Вашингтон ќе ја признае независноста на Косово и без резолуција на Советот за безбедност, е игра со оган во односите меѓу Европа и Америка и играње со оган на Балканот, изјави шефот на шведската дипломатија Карл Билт на собирот на европски и американски политичари и експерти во Брисел. Во расправата на “Бриселскиот форум“, Билт предупреди на тоа дека е игра со оган изјавата на американскиот политичар Ричард Холбрук дека Вашингтон веднаш ќе ја признае независноста на Косово дури и ако Русија стави вето врз резолуцијата на Советот за безбедност. Таква изјава на форумот даде и помошникот државен секретар Даниел Фрид кој исто така рече дека сегашниот статус на Косово е неодржлив и оти за планот на Ахтисари нема алтернатива.