Меѓународната конференција за Блискиот исток според палестински извори ќе се одржи на 26 ноември во Анаполис во близина на Вашингтон. Овој датум според високи палестински извори, го соопштила американската државна секретарка Кондолиза Рајс на вчерашните разговори со палестинскиот претседател Махмуд Абас. Израелскиот премиер Ехуд Олмерт претходно изјави дека конференцијата е планирана за крајот на ноември. Инаку САД сеуште официјално не поднела покани за учество на конференцијата, ниту соопштила конкретниот термин за нејзиното одржување.