Борис Џонсон, лицето на брегзит, кој значително придонесе за успех на кампањата за излез на Велика Британија од ЕУ, и кој се сметаше за веројатен иден премиер, ја соопшти изненадувачката одлука да не се кандидира за наследник на британскиот премиер Дејвид Камерон. Рокот за кандидатура за челното место на Ториевците и со тоа и за премиерската функција истекува денес. Камерон најави свое повлекување откако станаа познати резултатите од референдумот на кој мнозинството Британци ја избраа опцијата за излез од ЕУ. Досегашниот премиер должноста ќе ја предаде во септември на својот насленик, кој треба во Брисел да го предаде официјалното барање за излез од ЕУ.

Борис Џонсон денеска изјави дека не е оној кој треба да ја води земјата по ЕУ-референдумот: „Дојдов до заклучок дека јас не можам да бидам таа личност“.

Претходно своите кандидатури ги најавија двајцата најизгледни претенденти, министерката за внатрешни работи Тереза Меј и министерот за правда Мајкл Гоув. Гоув фронтално го нападна Џонсон, како личност за која не верува дека „треба да го преземе водството и која не може да создаде тим за идните задачи“.

Џонсон ужива голема популарност меѓу народот, но меѓу пратениците во британскиот парламент веќе постоеја задршки. Меј и Гоув, напротив, можат да се надеваат на поддршка кај пратениците.

Погледнете го видеото на кое Џонсон ја објавува одлуката: