Во борби и во напади во Авганистан на почетокот на викендов загинаа голем број луѓе. Погодени беа Кабул како и провинциите Фарах и Хелманд. Одговорноста за насилството ја презедоа Талибанците и Исламска држава.
Фотографија: Reuters/M. Ismail
Реклама
Повеќе од 20 лица загинаа во неколку одделни напади во Авганистан на почетокот до викендов. Талибанските милитанти нападнаа база на авганистанската војска и убија 18 војници, додека бомбаш-самоубиец во главниот град Кабул уби едно и рани 6 лица, соопшти денеска авганистанското министерството за одбрана.
Воената база во западната покраина Фарах е нападната ноќеска, изјави Давлат Вазири, портпарол на Министерството за одбрана. „Голем број талибанци ја нападнаа војната база и ние загубивме 18 војници, додека двајца се ранети“, изјави Вазири, не откривајќи детали за нападот. Талибанците ја презедоа одговорноста за овој напад, велејќи дека двајца нивни борци се убиени.
Во друг инцидент, бомбаш-самоубиец се саморазнесе на улица во населбата Шах Дарак во близина на седиштето на меѓународната воена мисија во Авганистан под водство на НАТО и на амбасадата на САД.
Одговорност за овој напад презеде терористичката милиција. Исламска држава во порака на својот интернет портал. Официјалните лица стравуваат оти билансот на настрадани во Кабул би можел да биде поголем.
Денеска се случија уште два самоубиствени напади и во покраината Хелманд. Во првиот напад е убиен еден цивил, а 8 се ранети. Во другиот инцидент се убиени двајца војници, а еден е ранет, изјави Омар Звак, портпарол на покраинскиот гувернер.
Што всушност претставува „Исламска држава“?
„Исламска држава“, покрај разорувањата во Ирак и Сирија, во вестите често се наоѓа и поради нејзината бруталност. Што е ИД и колку е моќна? Во продолжение ви претставуваме одговори на најчесто поставуваните прашања.
Што е „Исламска држава“?
Се смета дека „Исламска држава“ е фракција од терористичката организација Ал Каеда, т.е. сунитска милитантна група, за која се верува дека е формирана како одговор на недовербата и фрустрациите од неуспешното владеење на владите во Сирија и Ирак. На нивното знаме пишува „Мухамед е пророкот на Бог“ и „Нема друг бог освен Алах“ - фрази со кои се согласуваат сите муслимани, не само „ИД“.
Фотографија: AP
Каде е активна „Исламска држава“
Целта на „Исламска држава“ е формирање на „калифат“ - држава каде се почитуваат традиционалните вредности на исламот и шеријатското право. Поради нестабилноста на регионите во Сирија и Ирак, „Исламска држава“ успеа да освои и да стави под своја контрола тероитории во двете држави.
Што ја прави „Исламска држава“ различна?
Клучна разлика е бруталноста на „Исламска држава“ со која се влева страв кај противниците и цивилите - преку егзекуцијата со обезглавување и бруталното насилство. Лидерите на „ИД“ велат дека владеат со регионите кои ги освојуваат. Експертот за Средниот Исток, Шади Хамид за ПБС изјави: „Тие нудат социјални услуги. Управуваат со локалната власт. Обезбедуваат минимално ниво на право и поредок“.
Фотографија: gebphotography - Fotolia.com
„ИД“ во однос на останатите терористички организации?
„ИД“ е активна во Сирија и Ирак, но нигериската терористичка организација Боко Харам неодамна ја изрази својата поддршка. Тоа е како натпревар во суровост: додека Боко Харам е одговорна за 13.000 смртни случаи, „ИД“ е одговорна за најмалку 24.000 повредени или убиени. Ал Каеда се дистанцираше од „ИД“, а една од нејзините фракции наречена Нусра Фронт се бори против „ИД“.
Фотографија: Getty Images/A. Katib
Кои се следбениците на „Исламска држава“?
Нешто по кое се разликува „ИД“ се нејзините следбеници. Повеќе од 20.000 странски борци се придружија на групата, од кои повеќе од 4.000 доаѓаат од западна Европа и северна Америка. На сликата се прикажани државите од каде што потекнувааат најголемиот дел на борците. Најголем број борци - споредено со вкупниот број на жители на земјите, доаѓаат од мали земји како Шведска и Белгија.
Што преземаат западните влади против „Исламска држава“?
Од август 2014 година, коалиција предводена од САД спроведува воздушни напади против цели на „ИД“ во Сирија (1.422 напади) и Ирак (2.242 напади). Некои влади исто така беа активни во рамките на нивните држави: Германија ќе процесуира најмалку 30 осомничени милитанти кои се вратиле од Сирија, додека Саудиска Арабија уапси 93 осомничени милитанти во април 2015 година.
