Долгиот развод на Велика Британија од Европската унија денеска влезе во нови компликации откако Лондон се закани дека нема да го почитува договорот за излез од ЕУ доколку не се договорат условите за слободна трговија.
Фотографија: picture-alliance/AP Photo/S. Dawson
Реклама
Во уште еден пресврт во четиригодишната сага откако Британија гласаше за напуштање на ЕУ, владата на премиерот Борис Џонсон наводно планира нова легислатива во спротивност со постигнатиот договор за Брегзит кој го потпиша во јануари годинава. Таквиот чекор може потенцијално да го загрози целиот договор и да предизвика поделби во Северна Ирска за која беа направени специјални аранжмани со цел да се избегне поставување граница со Република Ирска, што пак може да има штетни ефекти врз мировниот договор.
Делови од новото британско законодавство ќе ја „елиминираат законската сила на делови од договорот за заминување од ЕУ“ во однос на државната помош и царината на Северна Ирска, јави весникот Фајнаншл Тајмс повикувајќи се на три извори во владата во Лондон.
ЕУ дипломатите се вџашени и предупредуваат дека таков чекор ќе го оцрни глобалниот престиж на Британија и ќе ги зголеми шансите за хаотично излегување на Лондон од ЕУ на 31 декември.
Официјални британски претставници засега не ја потврдуваат информацијата, ниту ја негираат. Владин портпарол изјави дека Лондон ќе работи на решавање на постојните несогласувања околу Северна Ирска со ЕУ, но се разгледуваат и резервни опции.
„Ние секогаш го задржуваме правото да реагираме во најдобар интерес на Северна Ирска и на внатрешниот пазар на Обединетото кралство“, изјави портпаролката.
Брегзит или не: Зошто ѝ покрај тоа ги сакаме Британците
Британскиот парламент го отвори договорот за Брегзит на премиерката Меј. Сега сѐ поизвесен е „болен развод“ со ЕУ. Според многу Европејци, тоа е целосно непотребно. Изјава на љубов до Британците во десет слики.
Фотографија: Getty Images/Stuart C. Wilson/Universal Pictures Home Entertainment
Го сакаме кралското семејство!
Никој не седел толку долго на престолот, како кралицата Елизабета Втора. Од 1952 година таа е кралица на Британците и се залага за дисциплина, стабилност и традиција. Вообичаено два чекора зад неа, големата љубов на нејзиниот живот: сопругот, принцот Филип. Оваа година таа го слави својот 93-ти роденден, а тој има 98 години.
Фотографија: Getty Images/AFP/B. Stansall
Сакаме поп музика од Велика Британија
Тие се едноставно легендарни - Ролинг Стоунс: Мик Џегер, Чарли Вотс, Кит Ричардс и Рон Вуд. На 24 март 2016 година, култниот бенд имаше концерт во Хавана, Куба, испишувајќи музичка историја.
Тауер бриџ во Лондон: од 1894 година, мостот во центарот на британскиот главен град е едно од најпрочуените знаменитости на метрополата. Лондон е една од најпопуларните туристички дестинации во Европа, со повеќе од 30 милиони туристи годишно.
Фотографија: picture-alliance/dpa/J. Büttner
Ги сакаме хероите од нивните книги
Авантурите на ученикот за волшебник Хари Потер од Џоан К. Роулинг воодушевуваат деца ширум светот. На сликата е прикажан Хари Потер, кој го игра Даниел Редклиф, во својата втора година на обука во Хогвортс, на училиштето за магии и волшебништво.
Фотографија: picture-alliance/dpa/dpa-Film Warner
Ги сакаме убавите британски модели
Наоми Кемпбел е клучен дел од меѓународниот моден бизнис околу три децении. Родена во Лондон, таа беше првиот црномурест модел кој се појави на насловната страна на францускиот Вог и ѝ припаѓаше на генерацијата на супермодели во 1990-тите.
Фотографија: DW
Го сакаме британскиот хумор
Ретко кој ги растегнува мускулите за смеење толку многу како Роуан Аткинсон, алијас Мистер Бин. Истоимената серија-комедија беше оригинално прикажувана од 1989 до 1995 година и ужива култен статус.
Фотографија: Getty Images/Stuart C. Wilson/Universal Pictures Home Entertainment
Ги сакаме нивните извонредни градини и паркови
Градините Кју во југозападниот дел на британскиот главен град Лондон се меѓу најстарите ботанички градини во светот. Британците се познати по „зелениот палец" и се сметаат за специјалисти за косење трева. Никој во Европа нема толку убави градини и паркови како Британците.
Фотографија: Reuters/T. Melville
Го сакаме нивниот стил
Не станува збор за брзина, туку за елеганција и класа. Пример за тоа се култните автомобили од Велика Британија, како што е Ролс-Ројс. Иако брендот оттогаш е купен од страна на Германците, тој останува британски класик.
Фотографија: imago/Felix Jason
Го сакаме нивниот чуден вкус
Кога станува збор за кулинарството, со сигурност има други европски земји кои се во предност. Но, ако Британците останат со нас во ЕУ, нема да се жалиме на пивото без пена и јагнето со сос од нане. Ветуваме!
Фотографија: Styko
Ја сакаме нивната традиција
Дури од нив научивме колку убаво може да биде панорамското разгледување. Црвените двокатни автобуси во Лондон се повеќе од само превозно средство. Тие сѐ уште се клучен белег на британската метропола на Темза.
Фотографија: picture-alliance/blickwinkel/McPhoto
10 фотографии1 | 10
Британија ја напушти ЕУ на 31 јануари, но преговорите за трговскиот договор пред крајот на транзицискиот период се закочени околу прашањата за државната помош и рибарството. Лондон постави краен рок до 15 октомври за постигнување договор.
„Доколку не се договориме дотогаш, не гледам дека ќе има договор за слободна трговија меѓу нас, и тоа ќе треба да го прифатиме и да продолжиме натаму“, изјави премиерот Борис Џонсон.
Европски дипломати велат дека Британија игра „плашливец“ со Брисел, заканувајќи се дека ќе го уништи процесот и принудувајќи го Брисел дополнително да преговара. Некои сметаат дека излезот од ЕУ без договор би бил погоден начин за Џонсон да го избегне негативниот публицитет поради кризата со коронавирусот.
Без договор, под прашање ќе биде доведена меѓусебната трговија вредна околу 900 милијарди долари годишно, како и правилниците за производство на речиси сѐ: од делови за автомобили до медицина и овошје.
