Премиерот Борис Џонсон сака да ги извади Британците од ЕУ, по секоја цена. Неговото мото е „борба или пропаст". Компромиси со ЕУ не се планирани.
Фотографија: Reuters TV
Реклама
„Преку цело лето ќе бидам достапен", пиша Мишел Барние, преговарачот за Брегзит на ЕУ, во електронски мејл испратен до сите влади од земјите членки на ЕУ и тоа ден откако новиот британски премиер Борис Џонсон кон крајот на јули ја презема новата функција. Барние на новата влада во Лондон и понуди разговори. Преговарачот се уште се нема сретнато со никого од новиот штаб на Даунинг стрит 10. Нови преговори за речиси 600 страници долгиот договор за истапување на Велика Британија и Северна Ирска од ЕУ Барние однапред ги исклучи како опција. „Мора да останеме мирни и солидарни", вели Барние. Барањата на Борис Џонсон да отпадне ирскиот Бекстоп, францускиот дипломат ги отрфли како „неприфатливи". Бекстопот треба да спречи меѓу Република Ирска и Северна Ирска да настане тврда граница кон ЕУ со царински контроли и тоа се додека двете страни не најдат заеднички прифатливо решение.
Едноставна порака: излегуваме!
Единствениот посетител од Лондон кој по промената на власта во јули допатува во Брисел е личниот посланик за Брегзит на британскиот премиер, Дејвид Фрост. Фрост на Европската комисија и на насобраните дипломати од ЕУ им појасни дека пораката што ја носи е дека Обединетото кралство во секој случај ќе ја напушти ЕУ на 31 октомври, со или без договор. Како предуслов за нови преговори со ЕУ Фрост побара отстранување на „недемократскиот Бекстоп". Таквото барање категорично го отфрлија како ЕУ, така и ирскиот премиер Лео Варадкар.
Фотографија: Reuters/F. Lenoir
Дипломати на ЕУ кои разговарале со Дејвид Фрост,, велат дека „месинџерот” од Лондон нема понудено друга алтернатива за Бекстоп, ниту беа наведени таксативно теми за ки Џонсон би сакал да преговара. Џонсон во интервјуа пред неговото назначување за премиер велеше дека ќе ги задржел добрите страни на договорот, а ќе го сменел остатокот. „Ако може да летаме на месечината, значи може и да ја средиме некако границата кон Ирска", беше една од поконкретните изјави на Џонсон.
„Тврд“ Брегзит е мошне веројатен
Од бриселска гледна точка Борис Џонсон се движи кон Брегзит без договор, без преодни рокови и без плаќање на отворениот долг кон ЕУ, но и без претстава за идните релации. Премиерот вели дека тврд Брегзит не е негова цел, но ако на 31 октомври не може поинаку, Велика Британија ќе излезе од Унијата и без договор.
Министрите во британскиот кабинет се зафатени со префрлање на вината. Мајкл Гоув, министерот за подготовка на Брегзитот, за БиБиСи изјави дека „Потребен ни е нов пристап, подготвени сме да се соочиме со ЕУ. Во моментов изгледа дека ЕУ нее заинтересирана за тоа. Едноставно вели не. Тоа е погрешно и не е во интерес на Европа." Мишел Барние пак нагласува дека ниту ЕУ не сака тврд Брегзит. Но, договорот со ЕУ три пати беше одбиен во британскиот парламент.
Гласање недоверба во Долниот дом?
Противници на тврдиот Брегзит сакаат да го искористат поделениот парламент за да го сопрат Џонсон, кој и покрај предупредувањата на стопанските комори и на Банката на Англија се движи кон Брегзит без договор. Коалицијата од конзервативци и северноирската партија ДУП има тесно мнозинство на гласови. На првата седница по летната пауза на почетокот на септември Лабуристите би можеле да бараат гласање недоверба на Џонсон. Ако го изгуби гласањето, опозицијата има 14 дена време да организира ново мнозинство. Ако тоа не успее, премиерот ќе мора да распише нови избори кои би се одржале најрано 25 дена од тој момент. Дали Џонсон може да биде приморан да се повлече во таа фаза е спорно. Изборниот законик од 2011 не е јасно формулиран и никогап не бил применет во ваков случај.
Брегзит или не: Зошто ѝ покрај тоа ги сакаме Британците
Британскиот парламент го отвори договорот за Брегзит на премиерката Меј. Сега сѐ поизвесен е „болен развод“ со ЕУ. Според многу Европејци, тоа е целосно непотребно. Изјава на љубов до Британците во десет слики.
Фотографија: Getty Images/Stuart C. Wilson/Universal Pictures Home Entertainment
Го сакаме кралското семејство!
Никој не седел толку долго на престолот, како кралицата Елизабета Втора. Од 1952 година таа е кралица на Британците и се залага за дисциплина, стабилност и традиција. Вообичаено два чекора зад неа, големата љубов на нејзиниот живот: сопругот, принцот Филип. Оваа година таа го слави својот 93-ти роденден, а тој има 98 години.
Фотографија: Getty Images/AFP/B. Stansall
Сакаме поп музика од Велика Британија
Тие се едноставно легендарни - Ролинг Стоунс: Мик Џегер, Чарли Вотс, Кит Ричардс и Рон Вуд. На 24 март 2016 година, култниот бенд имаше концерт во Хавана, Куба, испишувајќи музичка историја.
Тауер бриџ во Лондон: од 1894 година, мостот во центарот на британскиот главен град е едно од најпрочуените знаменитости на метрополата. Лондон е една од најпопуларните туристички дестинации во Европа, со повеќе од 30 милиони туристи годишно.
Фотографија: picture-alliance/dpa/J. Büttner
Ги сакаме хероите од нивните книги
Авантурите на ученикот за волшебник Хари Потер од Џоан К. Роулинг воодушевуваат деца ширум светот. На сликата е прикажан Хари Потер, кој го игра Даниел Редклиф, во својата втора година на обука во Хогвортс, на училиштето за магии и волшебништво.
Фотографија: picture-alliance/dpa/dpa-Film Warner
Ги сакаме убавите британски модели
Наоми Кемпбел е клучен дел од меѓународниот моден бизнис околу три децении. Родена во Лондон, таа беше првиот црномурест модел кој се појави на насловната страна на францускиот Вог и ѝ припаѓаше на генерацијата на супермодели во 1990-тите.
Фотографија: DW
Го сакаме британскиот хумор
Ретко кој ги растегнува мускулите за смеење толку многу како Роуан Аткинсон, алијас Мистер Бин. Истоимената серија-комедија беше оригинално прикажувана од 1989 до 1995 година и ужива култен статус.
Фотографија: Getty Images/Stuart C. Wilson/Universal Pictures Home Entertainment
Ги сакаме нивните извонредни градини и паркови
Градините Кју во југозападниот дел на британскиот главен град Лондон се меѓу најстарите ботанички градини во светот. Британците се познати по „зелениот палец" и се сметаат за специјалисти за косење трева. Никој во Европа нема толку убави градини и паркови како Британците.
Фотографија: Reuters/T. Melville
Го сакаме нивниот стил
Не станува збор за брзина, туку за елеганција и класа. Пример за тоа се култните автомобили од Велика Британија, како што е Ролс-Ројс. Иако брендот оттогаш е купен од страна на Германците, тој останува британски класик.
Фотографија: imago/Felix Jason
Го сакаме нивниот чуден вкус
Кога станува збор за кулинарството, со сигурност има други европски земји кои се во предност. Но, ако Британците останат со нас во ЕУ, нема да се жалиме на пивото без пена и јагнето со сос од нане. Ветуваме!
Фотографија: Styko
Ја сакаме нивната традиција
Дури од нив научивме колку убаво може да биде панорамското разгледување. Црвените двокатни автобуси во Лондон се повеќе од само превозно средство. Тие сѐ уште се клучен белег на британската метропола на Темза.
Фотографија: picture-alliance/blickwinkel/McPhoto
10 фотографии1 | 10
Премиерот би можел новите избори да ги закаќе и за ноември и Брегзитот на 31 октомври би се случил во секој случај. Единствениот заклучок за кој можеа да се договорат во Долниот дом пролетва беше дека не треба да има Брегзит без договор. Од друга страна законот кој го предвидува Брегзит за 31 октомври важи со или без договор. Парламентот има можност да го смени законот, но само ако претходно ја натера владата да го стави на дневен ред. „Парламентот може и законски да му наложи на премиерот да бара продолжување на рокот во ЕУ", вели Питер Сломан, политиколог на универзитетот во Кембриџ. „Нејасно е дали Џонсон и ќе го почитува тоа."
Брегзит како мантра
Премиерот Борис Џонсон е во релативно комотна позиција, ако не стори ништо Брегзитот ќе се случи и без договор на Ноќта на вештерките. Дури и да сака, парламентот би имал мака да го спречи во тоа. Теориски би можела Кралицата да го отпушти од премиерското место. Но, тоа би ја нарушило традицијата на немешање на монархот во дневната политика и затоа не е многу веројатно дека ќе се случи. Да се шпекулира дека ЕУ сепак ќе попушти е ризичен потфат. „Подготвени сме за таа игра", велат француски дипломати од Елисејската палата. „Нема нам да ни попуштат нервите."
Збогум Британија, ние си заминуваме...
Британските компании многу пати предупредуваа за потенцијалните негативни последици по економијата од Брегзит. По референдумот за напуштање на ЕУ, некои компании размислуваат да ги релоцираат компаниските седишта.
Фотографија: picture-alliance/dpa/W. Kumm
Водафон
Втората по големина компанија за мобилна телефонија во светот ја разгледува опцијата да го премести своето седиште надвор од Британија по Брегзит. Диселдорф би можел да биде една од опциите за новото седиште на компанијата. Водафон веќе е присутна во германскиот град каде вработува околу 5.000 луѓе, исто така, Германија е најголемиот пазар на компанијата.
Фотографија: Getty Images/AFP/M. Hayhow
Рајанер
Најголемата авиокомпанија за ефтини летови во Европа официјално е регистрирана во Ирска, но голем дел од нејзината флота е лоцирана во Британија. Но, тоа може наскоро да се смени – од Рајанер најавуваат дека своите летала повеќе нема да ги стационираат таму.
Фотографија: picture-alliance/dpa/M. Scholz
Изиџет
Втората по големина авиокомпанија за ефтини летови во Европа е базирана во Лондон, но, до кога? „За тоа ќе видиме“, изјави извршната директорка на компнанијата Керолин Мек Кол во телевизиско интервју. Изиџет е една од најпрофитабилните компании во Европа.
Фотографија: Getty Images/AFP/F. Guillot
Вирџин
Ричард Бренсон е еден од најпознатите бизнис личности во Британија. За Брегзит тој изјави: „Британија е насочена кон економска катастрофа“. Неговиот конгломерат изгуби една третина од вредноста по референдумот во земјата. Бренсон ја повика владата да организира втор референдум.
Фотографија: Getty Images/AFP/D. Leal-Olivas
ЏејПиМорган Чејс
Најголемата банка во САД вработува околу 16.000 луѓе во Лондон. Но, менаџментот сега разгледува повеќе можности да премести дел од операциите надвор од Британија. Извршниот директор на банката, Џејми Димон, пред референдумот изјави дека помеѓу 1.000 и 4.000 работни места може да бидат преместени надвор од Лондон доколку се случи Брегзит.
Фотографија: Getty Images/C.Gillon
Виза
Оваа компанија ќе нема голем избор освен да го намали бројот и обемот на активностите во Британија, што ќе доведе до кратење на стотици работни места. Според регулативата на ЕУ, компанијата мора да одржува центар за податоци во земја на ЕУ. Што практично ќе значи крај за податочниот центар на компанијата во Лондон.
Фотографија: Imago
Форд
Од Форд неколку пати изјавија дека Британија е „клучен пазар“ за компанијата во Европа. Фабриката на Форд во Дагенхам произведува делови и мотори за филијалите на компанијата во Германија. По одлуката за напуштање на ЕУ, од Форд изјавија дека компанијата ќе ги преземе сите потребни мерки да остане конкурентна на пазарот.
Фотографија: picture-alliance/dpa
Јагуар Ленд Ровер
Сепак, сите компании не се песимисти. „Ние сме Британци и стоиме зад Британија“, изјави Едријан Халмарк, одговорен за стратегии во Јагуар Ленд Ровер. Нема промени во нашите бизнис планови, уверува Халмарк за периодот од следните две години во кои Британија со сигурност ќе остане дел од ЕУ.
Фотографија: picture-alliance/dpa/D. Jones
8 фотографии1 | 8
Многу конзервативни членови на партијата и тврди Брегзитери сакаат конечно да излезат од ЕУ. По секоја цена. Еконимски или рационални аргументи не играат улога, смета авторот Ј.Н. Паке. „Брегзит е религија" е насловот на неговото најново дело кое кон крајот на август ќе биде објавено во Велика Британија. „Верувам во Брегзитот", велеше не само Борис Џонсон, туку и неговата претходничка Тереза Меј често и самоуверено.