Изјавата на претседателот на Советот на ЕУ Туск за „место во пеколот“ за поттикнувачите на Брегзит го одредува тонот за посетата на британската премиерка Тереза Меј на Брисел.
Фотографија: picture-alliance/dpa/Photoshot
Реклама
Британската премиерка Тереза Меј денеска во Брисел разговара со претседателот на Европската комисија Жан-Клод Јункер за Брегзит, помалку од два месеца од планираното стапување на сила. Меј се ободува да издејствува измени во делот на договорот постигнат со ЕУ кој се однесува на таканаречената безбедносна мрежа (бекстоп), со која се избегнува тврда граница меѓу Ирска и британската покраина Северна Ирска.
Британските пратеници го отфрлија договорот меѓу Брисел и Лондон, барајќи измени во тој дел од договорот, но Европската унија соопшти дека не може да има нови преговори, бидејќи бил постигнат најдобриот можен договор за двете страни.
Пред премиерката неодамна во Брисел претстојуваше и делегација на британскиот парламент, но по состанокот генералниот секретар на Еврокомисијата Мартин Селмајр ги оцени разговорите како неуверливи. Се стравува дека Велика Британија, која официјално треба да истапи од членството во ЕУ на 29 март годинава, би можела да ја напушти Унијата без договор.
Претседателот на Советот на ЕУ, Доналд Туск, пак вчера ги критикуваше политичарите кои лобираа за излегување на земјата од ЕУ а претходно не смислиле како тоа треба да се направи.
„Размислував како изгледа посебно место во пеколот за оние кои промовираа Брегзит без и најмал нацрт или план како безбедно да го спроведат“, изјави Туск по состанокот во Брисел со ирскиот премиер Лео Вардакар.
Брегзит или не: Зошто ѝ покрај тоа ги сакаме Британците
Британскиот парламент го отвори договорот за Брегзит на премиерката Меј. Сега сѐ поизвесен е „болен развод“ со ЕУ. Според многу Европејци, тоа е целосно непотребно. Изјава на љубов до Британците во десет слики.
Фотографија: Getty Images/Stuart C. Wilson/Universal Pictures Home Entertainment
Го сакаме кралското семејство!
Никој не седел толку долго на престолот, како кралицата Елизабета Втора. Од 1952 година таа е кралица на Британците и се залага за дисциплина, стабилност и традиција. Вообичаено два чекора зад неа, големата љубов на нејзиниот живот: сопругот, принцот Филип. Оваа година таа го слави својот 93-ти роденден, а тој има 98 години.
Фотографија: Getty Images/AFP/B. Stansall
Сакаме поп музика од Велика Британија
Тие се едноставно легендарни - Ролинг Стоунс: Мик Џегер, Чарли Вотс, Кит Ричардс и Рон Вуд. На 24 март 2016 година, култниот бенд имаше концерт во Хавана, Куба, испишувајќи музичка историја.
Тауер бриџ во Лондон: од 1894 година, мостот во центарот на британскиот главен град е едно од најпрочуените знаменитости на метрополата. Лондон е една од најпопуларните туристички дестинации во Европа, со повеќе од 30 милиони туристи годишно.
Фотографија: picture-alliance/dpa/J. Büttner
Ги сакаме хероите од нивните книги
Авантурите на ученикот за волшебник Хари Потер од Џоан К. Роулинг воодушевуваат деца ширум светот. На сликата е прикажан Хари Потер, кој го игра Даниел Редклиф, во својата втора година на обука во Хогвортс, на училиштето за магии и волшебништво.
Фотографија: picture-alliance/dpa/dpa-Film Warner
Ги сакаме убавите британски модели
Наоми Кемпбел е клучен дел од меѓународниот моден бизнис околу три децении. Родена во Лондон, таа беше првиот црномурест модел кој се појави на насловната страна на францускиот Вог и ѝ припаѓаше на генерацијата на супермодели во 1990-тите.
Фотографија: DW
Го сакаме британскиот хумор
Ретко кој ги растегнува мускулите за смеење толку многу како Роуан Аткинсон, алијас Мистер Бин. Истоимената серија-комедија беше оригинално прикажувана од 1989 до 1995 година и ужива култен статус.
Фотографија: Getty Images/Stuart C. Wilson/Universal Pictures Home Entertainment
Ги сакаме нивните извонредни градини и паркови
Градините Кју во југозападниот дел на британскиот главен град Лондон се меѓу најстарите ботанички градини во светот. Британците се познати по „зелениот палец" и се сметаат за специјалисти за косење трева. Никој во Европа нема толку убави градини и паркови како Британците.
Фотографија: Reuters/T. Melville
Го сакаме нивниот стил
Не станува збор за брзина, туку за елеганција и класа. Пример за тоа се култните автомобили од Велика Британија, како што е Ролс-Ројс. Иако брендот оттогаш е купен од страна на Германците, тој останува британски класик.
Фотографија: imago/Felix Jason
Го сакаме нивниот чуден вкус
Кога станува збор за кулинарството, со сигурност има други европски земји кои се во предност. Но, ако Британците останат со нас во ЕУ, нема да се жалиме на пивото без пена и јагнето со сос од нане. Ветуваме!
Фотографија: Styko
Ја сакаме нивната традиција
Дури од нив научивме колку убаво може да биде панорамското разгледување. Црвените двокатни автобуси во Лондон се повеќе од само превозно средство. Тие сѐ уште се клучен белег на британската метропола на Темза.
