Британскиот министер за надворешни работи Дејвид Милибанд денеска во Исламабад изрази поддршка на пакистанскиот претседател Первез Мушараф во борбата против тероризмот. Милибанд нагласи дека неговата земја има голем интерес за стабилност на Пакистан и напорите за справување со талибанците и милитантите на Ал Каеда. Инаку Пакистан денеска објави дека извршил успешен тест на ракета која може да носи атомска боева глава. Ракетата има дострел од 700 километри.