Ниедна друга индустриска земја не е толку погодена од корона-кризата: британската економија бележи пад од една петтина. Рецесијата „збриша“ ијладници работни места.
Фотографија: Getty Images/AFP/O. Scarff
Реклама
Пад на економскиот учинок како во вториот квартал од годинава во Велика Британија не е забележан откако се води статистика: бруто домашниот производ на земјата од април до јуни е намален за 20,4 % во однос на претходниот квартал, како што соопшти Службата за статистика денеска во Лондон.
Британската економија имаше намален раст уште во првиот квартал, но сега официјално се наоѓа во рецесија.
За споредба: германската економија во второто тромесечие забележа двојно помал пад – 10,1%. Но, пандемијата на коронавирус особено силно ја погоди Велика Британија. Според Универзитетот Џонс Хопкинс, во Обединетото Кралство се регистрирани 313.390 инфицирани, починале 46.600 лица од Ковид-19. Владата на премиерот Борис Џонсон по првичната колебливост спроведе драстичен „локдаун", кој парализира големи делови од стопанството.
Жртвите на коронавирусот на пазарот на труд
Пандемијата на коронавирусот веќе има катастрофално влијание врз голем број индустрии. Милиони работни места се загрозени, стотици илјади веќе укинати. Издвојуваме некои од досега најпогодените компании и сектори...
Фотографија: picture-alliance/abaca/H. Lionel
Циркусот остана, уметниците ги нема
Легендарниот „Cirque du Soleil “ поднесе барање за течајна постапка по тримесечен прекин на работата поради пандемијата на коронавирусот. Славниот циркус најави отпуштање на 3.480 од вкупно 5.000 вработени. „Cirque du Soleil“, со седиште во канадски Монтреал, овој потег го образложи со „огромното нарушување и присилно затворање на шоуто како последица на пандемијата на Ковид-19“.
Фотографија: picture-alliance/dpa/U. Düren
„Ербас“ ќе се раздели со 15 илјади луѓе
Европскиот авиоконцерн „Ербас“ предупреди на масовни укинувања на работните места. Тој има намера да укине околу 15.000 работни места поради падот на побарувачката како последица на пандемијата. Еден од шест вработени би можел да го загуби работното место во одделот за транспортни авиони - најважниот и најголемиот во „Ербас“. Само во Германија треба да се укинат 5.100 работни места.
Фотографија: picture-alliance/abaca/H. Lionel
Турбуленции за „Луфтханза“
Најголемиот авиопревозник во Германија, е заробен во турбуленции поради коронавирусот. Авиоконцернот беше исклучен од индексот на акции Дакс, во кој членуваше 32 години. „Луфтханза“ ќе добие 9 милијарди евра директна финансиска помош и државни гаранции за заем, но 26.000 работни места се изложени на ризик. „Во случај на опасност, ние ве спасуваме вас, а кој ќе нè спаси нас?“- прашува стјуардесата.
Фотографија: picture-alliance/dpa/A. Dedert
На едно небо
Британската авиокомпанија „Бритиш ервејс“ планира да укине 12 илјади од вкупно 42.000 работни места. Нејзиниот француски ривал „Ер Франс“ ќе отпушти над 7.500 вработени поради пандемијата. Британската авиокомпанија „Изи џет“ предвидува од долгорочен пад на побарувачката. Концернот планира да го намали бројот на вработените за 30 проценти - околу 4.500 луѓе може да ги загубат своите работни места.
Иако производителите на автомобили сè уште немаат предвидено застрашувачки сценарија, светскиот пазар на автомобили може да се намали за 18 проценти во 2020 година. Германскиот стручњак за автомобилска индустрија Фердинанд Дуденхофер веќе изнесе разочарувачко предвидување: околу 100 илјади работни места во Германија се изложени на ризик. Автомобилската индустрија во земјата вработува 800.000 луѓе.
Фотографија: picture-alliance/dpa/S. Gollnow
Тешка опрема
Германскиот концерн „MTU Aero Engines AG“ планира да го намали бројот на вработени за 15 проценти. Производителот на мотори за авиони, со седиште во Минхен, вработува 10.000 луѓе низ целиот свет. Околу 1.500 места се под закана за укинување. Во 2019 година компанијата беше во топ-лигата на индексот на акции Дакс.
Фотографија: picture-alliance/dpa/MTU Aero Engines AG
Отпаѓа ли модата?
Седењето дома и забраната за масовни настани обесхрабри многумина да купуваат нова облека. Падот на потрошувачката се почувствува во трговијата. Германскиот концерн „Галерија Карштат Кауфхоф“ затвори околу 80 од своите 170 стоковни куќи, кои главно продаваат облека. Повеќе од 5.000 од вкупно 28.000 вработени ги загубија работните места.
Фотографија: picture-alliance/dpa/H.-C. Dittrich
Сите на одмор
Еден од најголемите светски туристички концерни „ТУИ“ најави укинување на 8.000 работни места како последица на пандемијата. Менаџментот на компанијата, која веќе доби финансиска помош од германската држава, соопшти дека овие мерки се неопходни за да се зачуваат претставничките канцеларии на концернот во светот. „ТУИ“ очекува дека така ќе ги намали административните трошоци за 30 насто.
Назадување какво што немало во последните 100 години
Тврдите рестрикции на владата заради спречување на ширењето на пандемијата се случија првенствено во периодот на вториот квартал. Но, во меѓувреме британската економија успеа делумно да се опорави. Во јуни економскиот пораст изнесуваше 8,7% во однос на претходниот месец.
Британската централна банка прогнозира пад на БДП на земјата за оваа година од вкупно 9,5%, назадување какво што не е зебележано во последните 100 години. За следната година според ова предвидување би следел плус од девет проценти.
Зголемување на невработеноста
Кризата веќе остави видливи траги на британскиот пазар на труд: бројот на вработени од април до јуни е намален за 220.000. Ова значи дека во Велика Британија се загубени работни места во размер кој не е забележан од финансиската криза во 2009. година. Притоа, експертите сметаат дека дел од луѓето без работа засега воопшто не се ни трудат да најдат ново работно место и не се опфатени во статистиката на невработени.
Освен тоа, земјата ги амортизираше последиците на пандемијата со програма по примерот на германската скратена работа, која меѓутоа истекува на крајот на октомври. Централната банка во Лондон предвидува дека стапката на невработеност од 7,5% до крајот на годината може да се удвои.
