Хартсфилд-Џексон во Атланта без дилеми е најфреквентниот аеродром во светот: во 2017. година од тука полетале или тука слетале речиси 104 милиони патници. За споредба, ниеден друг аеродром не бележи повеќе од 100 милиони патници.

Меѓународниот аеродром во кинескиот главен град Пекинг е рангиран на второ место, благодарение на 95,8 милиони патници во 2017. година. Голем подем за пекиншкиот воздушен сообраќај беа Олимписките игри во 2008. година, за чии потреби познатиот архитект Норман Фостер проектираше нов џиновски терминал.

Дубајскиот аеродром лани забележал преку 88 милиони патници. Интересно е што, од арапски аспект, сите биле странци, имено - 87,72 милиони. Кај патниците аеродромот во арапската пустинска метропола е посебно омилен поради големата трговска понуда и речиси легендарната репутација.

Со спортска терминологија, аеродромот Токио-Ханеда го зазема „неблагодарното“ четврто место, значи останува без медал. Но, лани во токискиот главен град се регистрирани 85,4 милиони патници, што е сепак огромна бројка вредна за почит.

Овој авион за неколку моменти слетува на аердоромот во калифорниската метропола Лос Анџелес, придонесувајќи делумно за впечатливата бројка од 84,56 милиони патници во 2017. година, доволно за позицијата број пет на светската листа.

Еден од 79,81 милиони патници во Чикаго: германската фудбалска ѕвезда Бастијан Швајнштајгер, кој сега, на залезот на својата кариера, игра за „Чикаго Фајр“ во американската МЛС лига, поради што често го посетува аеродромот во градот. Аеродромот, патем, не го носи името на ирски фудбалски играч, туку на пилот-херој од војната.

И во Европа често и многу се патува во воздух, што докажува и седмото место на нашата листа на најголеми аеродроми во светот, на кое се наоѓа најголемиот од трите лондонски воздушни пристаништа, Хитроу. Овде лани се регистрирани 78,01 милион патници.

Дали во жичарницата има патници или не, е сеедно, зашто тие секако не спаѓаат во оние 72,67 милиони патници кои лани го користеле аеродромот во Хонгконг. Поради растечкиот број патници, аеродромот е проширен кон морето, што добро се гледа на фотографијата.

Безбедноста на прво место! Како и насекаде во светот, тоа важи и на аеродромот Пудун во Шангај, посебно за неговите 70 милиони патници во 2017. година. Бројот бележи мал пад во однос на претходната година, но затоа пак пораснал волуменот на товарен воздушен сообраќај, за преку 11 проценти.

Аеродромот Шарл де Гол е на десетто место на нашата хит-листа. Воздушната крстосница за домашната авиокомпанија Ер Франс лани ја користеле 69,47 милиони патници. Во рангирањето притоа не се замени предвид многу параметри: товарниот сообраќај, изградениот корисен простор, бројот терминали, ефикасноста....

Овде посебно може да се истакне брзината на изградба, во негативна смисла. Тука Германците имаат шанса за бидат прваци! Употребувајќи еуфемизам, би можеле да кажеме - не се гради бавно, туку темелно. Завршувањето на аеродромот доцни моментно девет години.