Американскиот претседател, Џорџ Буш, пристигна во Тирана, каде денеска треба да одржи средба со премиерите на земјите од Јадранската тројка – Македонија, Албанија и Хрватска. На разговорите треба да стане збор за напредокот на трите земји на патот кон НАТО. Буш ќе води и разговори со албанското раководство. Тој е прв американски претседател кој ја посетил Албанија. Владата во Тирана говори за историска посета. Буш во Албанија ќе престојува шест часа, а потоа заминува за Бугарија.