Американскиот претседател Џорџ Буш повторно го повика пакистанскиот претседател Первер Мушараф да ја прекине вонредната состојба во земјата пред изборите кои се закажани за петти јануари. Ако не го стори тоа, тогаш ќе биде тешко да се верува дека Мушараф сака да ја унапредува демократијата во Пакистан, изјави Буш во едно интервју. Буш сепак нагласи дека Мушараф му е еден од најголемите сојузници во борбата против тероризмот.