Вакцината на Бионтек и Фајзер на пат да добие дозвола во САД
11 декември 2020![USA Sitz der FDA (US-Behörde für Lebens- und Arzneimittel)](https://static.dw.com/image/55751915_800.webp)
Независна советодавна комисија за вакцини на американската агенција за лекови ФДА на јавна видео-конференција со јасно мнозинство гласаше „за“ дозвола за вакцината на Бионтек и Фајзер во САД. На виртуелната средба 17 експерти се изјаснија за издавање итна дозвола, додека четворица беа против, а еден беше воздржан. Докажанитепредности на вакцината преовладуваат над ризиците кај пациентите на возраст над 16 години, сметаат експертите. Конечна одлука треба да издаде ФДА.
Во најголемиот број случаи, ФДА ги следи препораките на експертите. Се смета дека агенцијата за лекови би можела да издаде дозвола во текот на наредните денови.
Во средата американското Министерство за здравство соопшти дека сака да ја применува вакцината во болниците и стречките домови веќе од наредната недела. Велика Британија пред два дена почна со масовно вакцинирање со вакцината на Бионтек и Фајзер. Дозволи за вакцината издадоа и Бахреин и Канада.
Европската агенција за лекови ЕМА има намера да заврши со проверки на вакцината до 29 декември. Според истражувањата релевантни за издавање дозвола, вакцината покажала заштита од Ковид-19 од 95%.