Подготвеноста за вакцинирање против Ковид-19 се намалува, а инциденцијата се зголемува ширум Европа. Неколку европски земји презедоа чекори за да охрабрат што повеќе луѓе да се вакцинираат. На протести не се чекаше долго
Анти-корона протести во Париз, 24.07.2021Фотографија: Sameer Al-Doumy/AFP/Getty Images
Реклама
„Да се израмни кривата“. Ова се дел од актуелните зборови кои се појавија за време на пандемијата на коронавирусот. Под тоа се мисли на кривата на секојдневни нови инфекции. Но, сега се израмнува уште една крива: на нови вакцинации. Откако недостатокот од вакцини на почетокот на годината ја забави кампањата за вакцинација во ЕУ, сега недостасуваат луѓе на кои можат да им се дадат овие вакцини. Во голем број земји повторно се распламти расправата за тоа дали треба да постојат различни ограничувања за вакцинираните и невакцинираните луѓе. Или треба саканиот имунитет на стадо да се постигне со задолжителна вакцинација.
Додека Германија сѐ уште расправа, други земји веќе повлекоа консеквенции. Тоа не е секаде добро дочекано. Во повеќе земји дојде до протести.
Вакцини- адути на човештвото против Ковид-19
Глобалната кампања за вакцинација против Ковид-19 зема сѐ поголем замав. Во различни земји, создадени се или на повидок се вакцини, кои сега се главно оружје на човештвото во справувањето со пандемијата.
Фотографија: Francis Dean/Dean Pictures/imago images
Бионтек/Фајзер: почеток на иРНК-револуцијата
Првата вакцина против Ковид-19, одобрена за употреба во САД и во ЕУ, беше вакцината на германските научници со турски корени Угур Шахин и неговата сопруга Озлем Туречи. Нивната фирма Бионтек од Мајнц влезе во сојуз со американскиот гигант Фајзер. Медиумите почнаа да зборуваат за „револуција“ во фармацевтската индустрија, откако е создадена првата иРНК вакцина.
Фотографија: Francis Dean/Dean Pictures/imago images
Модерна: родум од универзитетот Харвард
Американската компанија за биотехнологија Модерна е специјализирана и за РНК технологии, кои се сметаат за нов чекор во медицината. Нејзиното седиште се наоѓа во Кембриџ, Масачусетс, во близина на универзитетот Харвард, чии научници ја основаа компанијата во 2010 година. Вакцината на Модерна, создадена со финансиска поддршка од властите, беше втората корона-вакцина регистрирана во САД и во ЕУ.
Фотографија: Matthew Healey/AFP/Getty Images
АстраЗенека: „Оксфордската вакцина“
Научниците од Универзитетот Оксфорд во соработка со британско-шведската компанија АстраЗенека вршеа клинички испитувања и производство на нивната вакцина. Таа во голема мерка се користи во Велика Британија, ги исполнува условите во ЕУ и активно се користи во земјите во развој, бидејќи „вакцината од Оксфорд“ има многу ниска цена. Така, таа се произведува во Индија за локалниот пазар и за извоз.
Фотографија: Channi Anand/AP/picture alliance
Спутник V: првата одобрена вакцина во светот
Во август 2020, Русија објави дека прва во светот регистрирала вакцина против коронавирусот наречена Спутник V. Масовната вакцинација на руското население официјално започна во јануари 2021. Оваа векторска вакцина, изработена од научниците од Московскиот центар Гамалеја, се промовира на странските пазари од страна на Рускиот фонд за директни инвестиции.
Фотографија: Aizar Raldes/AFP/Getty Images
Џонсон и Џонсон: доволна е една доза
Американска корпорација Џонсон и Џонсон е еден од шесте производители на корона-вакцини со кои ЕУ склучи прелиминарни договори за снабдување. Од нејзината векторска вакцина потребна е само една доза, а не две како останатите и се чува во конвенционални фрижидери. За ЕУ оваа вакцина, која доби дозвола за употреба на 11.03. ќе ја произведува белгиската сестринска фирма на Џонсон и Џонсон - Јансен.
Фотографија: Johnson/AP/picture alliance
Синовак: тивкиот конкурент од Кина
Без многу врева и детални извештаи за клиничките испитувања, Кина разви најмалку три вакцини. Една од нив, создадена од деактивиран коронавирус, Синовак Биотек ја тестираше во неколку азиски земји, вклучувајќи ја и Индонезија, која потоа веднаш ја нарача. Да им даде пример на своите сонародници, претседателот на Индонезија, Џоко Видодо, прв се вакцинираше.
Фотографија: Laily Rachev/Biro Pers Sekretariat Presiden
Синофарм: Првата кинеска вакцина
Станува за вакцина со „деактивиран“ вирус која државната компанија ја разви во соработка со Институтот за вирологија од Вухан. Овој вид на вакцини се користи веќе со децении, со добри резултати во пракса. Вакцината која веќе се користи во Србија и во Унгарија, беше првата која доби одобрение за употреба од кинеските власти.
Американската фармацевтска компанија Новавакс објави дека нејзината вакцина е 96 процентно ефикасна против оригиналниот вирус и 86 проценти против британскиот сој. Тоа произлегува од студијата што Новавакс ја спроведуваше во Велика Британија. Вакцината може да биде одобрена за употреба во САД уште во мај, доколку властите утврдат дека податоците од Велика Британија се доволни, соопшти компанијата.
Фотографија: Justin Tallis/AFP/ Getty Images
КјурВак: Печатач за вакцини на Тесла
Втората германска иРНК вакцина, која се очекува да биде регистрирана до лето, ќе биде произведена и извезена на глобално ниво од компанијата КјурВак од Тибинген, во партнерство со концернот Баер. Но, ќе биде можно таа да се направи директно во клиниките ширум светот. Елон Маск (втор од лево) демонстрираше мобилен печатач на вакцини создаден од германската сестринска фирма Тесла Громан.
Фотографија: picture-alliance/dpa/T. Schwarz
Санофи: два неуспеха и помош за Европска унија
Француската компанија Санофи е еден од најголемите светски производители на вакцини. Но, овојпат тоа не и' успеа - двапати: ни заедничкиот развој со британската ГлаксоСмитКлајн, ниту обидот за создавање иРНК вакцина досега не дадоа резултати. За да помогне во обезбедувањето на вакцини за земјите од ЕУ, нејзината фабрика во Франкфурт на Мајна ќе произведе 125 милиони дози од вакцината на Фајзер.
Фотографија: C. Stoll/Sanofi
10 фотографии1 | 10
Франција: задолжителна вакцинација за вработените во здравството
Во Франција, според наводите на властите, над 160.000 луѓе ширум земјата минатиот викенд демонстрираа против владините планови за строгите мерки против коронавирусот (насловната фотографија). Посебен трн во око им е планираната задолжителна вакцинација за одредени професионални групи. Од средината на септември, здравствениот и негувателскиот персонал, како и обезбедувањето и спасителите мораат да докажат дека се вакцинирани за да се занимаваат со својата професија. Оние кои не можат да го докажат тоа мора да очекуваат суспензија без продолжување на исплати на плата.
Демонстрантите на тоа гледаат како на недопустливо мешање во правата на луѓето на самоопределување. Протестите беа насочени и против фактот дека дигиталниот сертификат за Ковид-19 во ЕУ требаше да стане услов за пристап до јавно достапните места, како музеи и трговски центри, ресторани и кафулиња, како и меѓуградски возови. Зелениот ковид-пасош означува дали лицето е вакцинирано, оздравело или во моментот е тестирано негативно.
И во редовите на опозицијата, исто така, имаше противења за законот. Сепак, на крајот, парламентот со јасно мнознинство усвои ревидирана верзија на законот. Во анкетите мнозинството од граѓаните се изјаснија за проширување на обврските кога станува збор за корона пасошот.
#dw_BalkanBooster: Да се вакцинирам или не, прашање е сега!
02:00
This browser does not support the video element.
Грција: Отсега задолжителна вакцинација за медицинските сестри
Во Грција минатата недела повторно имаше протести против владините мерки за намалување на Ковид-19. Во земјата владата во средината јули усвои задолжителна вакцинација за медицинските сестри. Вработените имаат време до средината на август да започнат со вакцинација, инаку им се заканува суспензија без плата. Новиот закон, исто така, би требало да им олесни на работодавачите кои пружаат услуги привремено вработување на заменски персонал.
Од септември задолжителната вакцинација во Грција ќе се применува на целиот здравствен сектор. На работодавачите кои ќе вработат невакциниран персонал им се закануваат казни до 200.000 евра.
Посетата на гастрономски и културни установи, исто така, е резервирана за вакцинираните во Грција. Моменталните негативни тестови на коронавирусот веќе не се доволни за тоа.
Минатиот четврток, денот кога парламентот го гласаше законот за задолжителна вакцинација, околу 5.000 луѓе ширум земјата демонстрираа против него. Според наводите на полицијата, околу 3.000 луѓе демонстрирале во главниот град Атина. Полицијата користела водени топови и солзавец за да ги одалечи демонстрантите од парламентот.
„Вакцината е единствено решение за излез од Ковид-кризата“
15:47
This browser does not support the video element.
Италија: Протести против зелените пасоши
Италијанската влада засега не планира да ја направи задолжителна вакцинацијата против коронавирусот. Сепак, за време на викендот, илјадници луѓе демонстрираа во неколку поголеми градови против построгите мерки на владата за сузбивање на коронавирусот. Од 6 август, пристапот до затворените простории во Италија ќе им биде дозволен само на сопствениците на зелените ковид-пасоши. Значи, кој сака да оди во теретана, базен, музеј или во ресторан, мора да бидет вакциниран. Кога станува збор за терасите, угостителите можат сами да одлучат дали сакаат да ги послужат гостите без ковид-пасош.
