Реализацијата на стратешката цел на Македонија за членство во евро-атлантските структури бара политичка визија и подготвеност за длабокосежни реформи, се наведува во честитката која шефот на германската дипломатија Гидо Вестервеле му ја испратил на својот македонски колега Никола Попоски.

Во писмото, Вестервеле нагласува дека Попоски ја презема службата во значајна година кога се одбележуваат дваесет години од самостојноста и десет години по потпишувањето на Охридскиот рамковен договор.
„Сакам да нагласам дека овој договор претставува и понатаму неопходна основа за мултиетничкиот соживот во Вашата земја“, стои во честитката од Вестервеле.

Автор:БГ/СН/миа

Редактор: Трајче Тосев