Германскиот министер за надворешни работи, Гидо Вестервеле порача од Подгорица дека Германија нема да преговара за промена на границите на Балканот. „Патот кон Европската унија води преку демократија, реформи, соработка и мирно решавање на сите конфликти. Постои само еден пат за решавање на конфликтот, а тоа е дијалогот“, рече Вестервеле. По средбата со црногорскиот премиер Игор Лукшиќ, тој го поздрави конструктивниот пристап на Црна Гора за косовското прашање. Вестервеле во рамките на балканската турнеја ќе ги посети и Хрватска и Косово.

Aвтор: БГ/ТТ/макфакс

Редактор: Горан Чутаноски