По бројни одложувања поради невремето во Келн, ракометарите на Вардар доцна синоќа пристигнаа во Скопје на голема радост на нивните навивачи. Илјадници луѓе ги пречекаа уште на аеродромот, а славјето продолжи и по улиците на Скопје сѐ до плоштадот, каде беше кулминацијата на вечерта. 

Вардар е европски првак по вторпат во својата историја. На Фајнал фор турнирот во ракометната Лига на шампионите, Вардар најпрво ја совлада Барселона, а во финалето и Веспрем. 

Големата радост не ја засени ни неизвесноста во која се наоѓа екипата, откако главниот спонзор веќе подолго време најавува оти нема средства за да го одржи финансирањето на клубот. Неколку главни играчи веќе го најавија заминувањето од тимот. Судбината на останатите е неизвесна. 

Дали ракометната бајка ќе има нови продолженија? 

Навивачите секако би сакале уште многу вакви радости и веселби: