Критично во Малешевијата: Битка за спас на селото Мачево
6 август 2021Стотици пожарникари, војници и доброволци со часови водат битка со пожарите кои се закануваат да го проголтаат селото Мачево во близина на Берово. Силниот ветар и високите температури го отежнуваат гаснењето на пожарите. Нашата репортерка на теренот ни јавува дека состојбата е тешка и дека се прават напори пожарот да не стигне до селските куќи, обидувајќи се да ја сопрат стихијата на локалниот пат.
Погледнете повеќе во видеото:
Според информациите, од селото се веќе евакуирани некои постари жители и деца, а останатите се вклучени во гаснењето на пожарот.
На терен помагаат и екипи на словенечките и австриските пожарникари.
Нашата екипа претходно го посети и регионот на селото Робово, каде исто така беснееше пожар, но беше локализиран и сопрен со интервенција на хеликоптерите и австриските пожарникари.
Погледнете повеќе во видеото: