Вистината е најдоброто оружје против коронавирусот
Родион Ебигхаузен
4 април 2020
Размерите на пандемијата се последица и на лицемерната политиката. Борбата против коронавирусот може да успее само ако се стават сите факти на маса, коментира Родион Ебигхаусен.
Во борбата против пандемијата на коронавирусот најважна е вистината. Тоа го покажува случајот на Кина каде што за првпат се појави вирусот. На почетокот на епидемијата, кога шансите да се сузбие беа големи, челниците на Комунистичката партија на Кина и безбедносните сили ги заплашуваа медицинарите. Уништени се докази, негирани се факти. Резултатот: прво национална епидемија, потоа глобална пандемија.
Влади на кои никој не им верува
Тоа го докажува и случајот со Иран. Режимот своите жители ги лаже веќе со години. Кога владата во Техеран по долго предомислување и против отпорот на некои мули презеде мерки против вирусот, населението не ги сфати сериозно. Тоа беше фатална потврда на изреката: „Кој еднаш ќе излаже, не му се верува ни кога зборува вистина“. Последица од тоа беше големиот пораст на инфекции.
Ваков вирус не го интересира политика. Реторика и фрази не го импресионираат. Единствено се важни фактите. Да се победи вирусот може само со научен разум.
Родион Ебигхаусен, автор на коментаротФотографија: DW
Десните популисти немаат што да кажат
Добар знак е тоа што политичарите во Европа и во Германија во криза се советуваат со стручњаци и што нивните проценки влијаат на нивните одлуки. Изгледа дека се пребродени изминатите месеци и години во кои десните популисти - АфД во Германија, Виктор Орбан во Унгарија, Матео Салвини во Италија, само да споменеме некои - беа гласни во политиката. Актуелната состојба покажа: кога ситуацијата е сериозна, тие немаат што да кажат.
Пандемијата покажува дека онаа политика која ги игнорира фактите и наместо тоа спроведува демагогија, плаќа висока цена. Не само во Европа, туку и во целиот свет. Многумина оваа цена ја плаќаат со сопствениот живот.
Коронавирус: Кои залихи ви се потребни во кризни ситуации
Кризата со коронавирусот доведе до прогласување вонредни состојби во многу земји. Неретки се случаите на панично купување во супермаркетите. Дознајте што ви е потребно во домот во вакви ситуации, и избегнете паника.
Фотографија: Reuters/V. West
Подгответе се за криза
Германската влада во 2016 година изработи нов план за цивилна заштита со листа на неопходни производи кои во меѓувреме се ажурирани. Германците добија препорака да направат залихи на храна за 10 дена и питка вода за пет дена. Идејата е луѓето да имаат се што им е потребно, вклучително готовина и лекови, за да ја надминат кризната состојба.
Фотографија: picture-alliance/dpa
Доволно течности
Листата со препораки опфаќа и список на залихи за период од 14 дена. Најважната работа на листата е водата- 28 литри по човек за период од 14 дена, или два литри дневно. Луѓето можат да преживеат неколку недели без храна, но без течности само четири дена.
Фотографија: picture alliance/KEYSTONE
Потребни залихи
Германското министерство нуди и онлајн „калкулатор“ со кој можете да пресметате каква храна да имате во резерва. Се препорачуваат 4,9 килограми ориз, леб и тестенини по човек за две недели. Потоа, 5,6 килограми зеленчук по човек, по 3,7 килограми млечни производи, овошје и јатки, и 2 килограми риба и месо. Водете сметка храната да трае и без ладење. По избор, снабдете се и со масло, шекер и сол.
Фотографија: Markus Mainka - Fotolia
Хигиената е витална
Иако храната и водата се клучни во вакви ситуации, хигиената е исто толку важна за превенција од болести. Имајте на располагање доволно сапун, детергент, паста за заби, влажни марамчиња, кеси за смет и тоалетна хартија.
Фотографија: picture-alliance/Eibner-Pressefoto
Лекови
Се препорачува да имате снабдено медицинско шкафче доколку се случи да не бидете во состојба да отидете до аптека или болница. Меѓудругото, тоа предвидува комплет за прва помош, неопходни лекови на рецепт, лекови за настинка, против болка, анти-диареа лекови и електролити, како и термометар и средство за дезинфекција.
Фотографија: picture-alliance/blickwinkel
Доколку снема струја
Не е честа појава, но може да се случи да снема струја на неколку часа или на подолго. Тоа значи дека ќе нема светлина, мобилни телефони и греење. За да се подготвите за таква евентуалност, чувајте во резерва батериска светилка и свеќи, како и кибрит или запалка.
Фотографија: picture-alliance/dpa/Y. Badawi
Торба за итни ситуации
Создавањето залихи претпоставува дека мора да останете во домот, но некоја кризна ситуација може да ве натера и итно да заминете. Затоа е мудро да се има подготвена патна торба. Германската влада советува во неа да сместите: комплет за прва помош, храна за два дена, најважни лични документи, шише вода, вреќа за спиење, неопходна гардероба и дел од нештата кои беа наведени во претходната листа.
Фотографија: picture-alliance/dpa/I. Kjer
7 фотографии1 | 7
Кога вирусот за неколку месеци ќе биде победен - а со помош на науката тоа ќе појде од рака - тогаш, се надевам, ќе остане и сфаќањето дека само вистината е вредна. Токму во политиката.
