Вкупно четири самоубиства на полицајци по упадот во Капитол
СН/агенции
3 август 2021
Упадот во американскиот Капитол остави длабоки траги врз полицајците кои тогаш им се спротивставија на насилните екстремисти. Вкупно четири од нив, во меѓувреме извршиле самоубиство.
Фотографија: Julio Cortez/AP Photo/picture alliance
Реклама
Упадот на Капитол во Вашингтон на 6 јануари беше трауматичен настан за американската демократија. Поддржувачите на поранешниот претседател Доналд Трамп упаднаа во зградата каде Конгресот требаше да го потврди изборот на наследникот на Трамп, Џо Бајден. Во тоа време, безбедносните сили со крајни сили успеаја да спречат катастрофа.
Полицајците кои го бранеа Капитол тој ден доживеаја екстремна ситуација што продолжува да им тежи повеќе од шест месеци подоцна. „Можев да умрам тој ден, не еднаш, туку многу пати“, изјави неодамна една од вклучените безбедносни сили пред истражниот комитет на Претставничкиот дом.
Како течеше упадот на поддржувачите на Трамп во Капитол
Доналд Трамп, сѐуште актуелен претседател, долго ги подбуцнуваше своите најверни симпатизери. Последица: некои од нив на 6.01.2021 упаднаа во срцето на американската демократија.
Фотографија: Leah Millis/REUTERS
Создавање набој
Бројот на фанатични поддржувачи на Трмап пред Конгресот во САД растеше преку цел ден. Во почетокот, полицијата успеваше да одржува ред.
Фотографија: Olivier Douliery/AFP/Getty Images
Први судири
Паралелно со заедничката седница на двата дома на Конгресот, Сенатот и Претставничкиот дом, на која требаше официјално да биде потврдена победата на Џо Бајден на претседателските избори, пред Капитол се собираа приврзеници на поразениот претседател Доналд Трамп. Дојде до први судири со полицајците кои требаше да го обезбедуваат Конгресот.
Фотографија: Stephanie Keith/REUTERS
Преслаб кордон
Сѐ поразјарената толпа сакаше да продре во Капитол. Полицајците се обидуваа да ги спречат. На некои агресивни поддржувачи на Трамп им успеа да влезат во зградата.
Фотографија: Win McNamee/Getty Images
Упад во Капитол
Дел од демонстрантрантите успеаја да продрат длабоко во зградата, дури до вратите на Сенатот.
Фотографија: Win McNamee/Getty Images
Одбрана на последниот бастион
Обезбедувањето се обидуваше да ги држи во „шах“ насилниците во влезната хала. Политичарите во Сенатот низ задна врата беа изведени на безбедно место.
Фотографија: Manuel Balce Ceneta/AP Photo/picture alliance
Еден се проби
Во меѓувреме, еден од приврзениците на Трамп успешно се проби покрај полицајците и упадна во Сенатот. Од трибината за посетители тој скокна во пленарната сала.
Фотографија: Win McNamee/Getty Images
Со пиштоли спремни за пукање
Истите слики се повторуваа во другите крила на Капитол. И Претставничкиот дом беше цел на натрапниците. Припадниците на обезбедувањето на Конгресот ги запираа - со вперени пиштоли.
Фотографија: J. Scott Applewhite/AP Photo/picture alliance
Непријателско преземање?
Симпатизерите на Трамп навлегуваа сѐ подлабоко во зградата, сѐ до ходниците со канцелариите на Конгресот. Таму некои се распослаа на работните маси на пратениците.
Фотографија: Saul Loeb/AFP/Getty Images
Надвор од контрола
Еден од натрапниците го „присвои“ и пултот за говор на претседателката на Претставничкиот дом, Ненси Пелоси и со него се шеташе низ Капитол. Никој не го запре.
Фотографија: Win McNamee/Getty Images
Во засолниште
Пленарните сали беа евакуирани. Некои побараа засолниште во галеријата на Претставничкиот дом. Репортерите сведочеа дека биле поделени гас-маски, како заштита од солзавец.
Фотографија: Andrew Harnik/AP Photo/picture alliance
Солзавец врз Конгресот
На силите на безбедноста не им остана ништо друго освен да ја растурат разулавената толпа, употребувајќи солзавец.
Фотографија: Andrew Caballero-Reynolds/AFP/Getty Images
Засилувањето го оконча хаосот во Капитол
Полициските сили добија засилување, Националната гарда поита во помош, а градоначалничката на Вашингтон воведе полициски час до раните утрински часови. Така во Вашингтон ноќта полека се врати мирот.
Фотографија: Spencer Platt/Getty Images
12 фотографии1 | 12
Денеска, пак, беше објавено дека уште двајца полицајци вклучени во одбраната на Капитол за време на безредијата на 6 јануари извршиле самоубиство, со што бројот на самоубиства на полицајци кои тој ден го обезбедуваа Конгресот се зголеми на 4.
Полицискиот службеник Гантер Хашид е пронајден мртов во четвртокот во својата куќа каде извршил самоубиство, а уште еден полицаец, Кајл Дефрајтег, кој бил на должност на 6 јануари во Капитол, исто така, се самоубил на 10 јули, соопшти портпаролот на полицијата во Вашингтон.
Фотографија: J. Scott Applewhite/dpa/AP/picture alliance
Полицискиот службеник во Дистриктот Колумбија, Џефри Смит, и полицискиот службеник во Капитолската полиција, Хауард Либенгуд, кои го озбезбедуваа Конгресот за време на безредијата на 6 јануари, исто така, извршија самоубиства.
Стотици симпатизери на тогашниот претседател Доналд Трамп тој ден влегоа во зградата на Конгресот, во неуспешен обид да ја спречат потврдата за победата на демократскиот претседател Џо Бајден на изборите, а четири лица го загубија животот за време на насилството.
Наредниот ден почина еден полицаец во Капитол кого го нападнаа демонстрантите, а вкупно во насилствата беа повредени над 100 полицајци.
Над 20.000 гардисти ќе ја обезбедуваат инаугурацијата на Бајден
