Воениот режим во Мијанмар ја отфрли декларацијата на Советот за безбедност на ОН во врска со минатомесечните брутални акции против продемократските сили во земјата.Ситуацијата во Мијанмар не е закана за мирот и безбедноста во регионот ниту во светот,се вели во соопштението емитувано преку државната телевизија.Истовремено хунтата сепак ја нагласува подготвеноста да разговара со ОН.Но, кон демократија оваа земја ќе оди по сопствен пат,се вели во соопштението.Советот за безбедност на ОН во едногласно усвоената декларација изрази жалење за насилното однесување на воениот режим во Мијанмар против мирните протести,но не го осуди.