Група од 50 претставници на Светската банка побара брзо ставање крај на кризата во раководењето на оваа институција. Во писмо до претседателот на Светската банка, Пол Волфовиц и до директориумот, членовите на одделот за анти-корупција бараат јасни и решителни чекори во насока на зачувување на интегритетот и одговорноста на Светската банка. Поради аферата за исплаќање превисока плата за неговата животна придружничка, Волфовиц стана мета на критики и барања за негова оставка.