И покрај барањата на Европскиот парламент за повлекување на Пол Волфовиц од местото претседател на Светската банка, американската влада му даде поддршка. Портпарол на Белата куќа изјави дека Волфовиц ја ужива поддршката на САД како порано. Шефот на Светската банка се најде под притисок поради огромното зголемување на платата на неговата животна придружничка. Според Европскиот парламент, само оставка на Волфовиц може да спречи штети за угледот на оваа организација во борбата против корупцијата.