Денеска македонското Собрание треба да одржи вонредна седница за постигнување на парламентарен договор за унапредување на реформските процеси. Се очекува на седницата премиерот Никола Груевски да го образложи договорот постигнат со лидерот на Демократската Унија за интеграција Али Ахмети, кој наиде на критики кај опозицијата но и кај дел од владејачката коалиција. Воочи седницата Груевски вчера истакна дека растеретено ја дочекува седницата затоа што има една вистина што ќе биде презентирана.