Авторитарниот претседател на Зимбабве, Роберт Мугабе, воведе промени на уставот кои му овозможуваат да номинира свој наследник. Според промените, изборот на претседател го прави парламентот, доколку шефот на државата за време на мандатот даде оставка или умре. Досега, за вакви случаи беше предвидено претседателот на земјата да го избере народот. Во март 2008 година во Зимбабве се одржуваат претседателски и парламентарни избори. Мугабе, кој на власт е 27 години, има намера повторно да се кандидира.