Во Приштина од Сирија се вратија 110 косовски граѓани
СН/ агенции
20 април 2019
Повеќе од 100 Косовци денеска се вратија во татковината од некогашните региони во Сирија под контрола на џихадистичката милиција Исламска држава.
Фотографија: picture-alliance/dpa
Реклама
Акцијата за враќање на косовските државјани планирана со поддршка на САД беше досега најголема од ваков вид во Европа. Косовските власти денеска соопштија дека 110 граѓани на Косово, главно жени, кои ги следеле своите мажи во редовите на џихадистите и нивните деца се вратиле во земјата. Косовскиот министер за правда Абелард Тахири истакна: „Денеска во раните утрински часови, спроведена е многу чувствителна и значајна операција со помош на САД“. Според Тахири, Косово извршило репатријација на 110 свои државјани од воената зона во Сирија.
Меѓу нив се четири осомничени борци на Исламска држава, а повеќето се жени и деца, изјави Тахири. Четирите борци , според министерот, ќе бидат задржани 48 часови во истражен затвор во Приштина. Меѓу повратниците има 32 жени и 74 деца, од кои 9 сирачиња, чии родители загинале во војната во Сирија.
Што всушност претставува „Исламска држава“?
„Исламска држава“, покрај разорувањата во Ирак и Сирија, во вестите често се наоѓа и поради нејзината бруталност. Што е ИД и колку е моќна? Во продолжение ви претставуваме одговори на најчесто поставуваните прашања.
Што е „Исламска држава“?
Се смета дека „Исламска држава“ е фракција од терористичката организација Ал Каеда, т.е. сунитска милитантна група, за која се верува дека е формирана како одговор на недовербата и фрустрациите од неуспешното владеење на владите во Сирија и Ирак. На нивното знаме пишува „Мухамед е пророкот на Бог“ и „Нема друг бог освен Алах“ - фрази со кои се согласуваат сите муслимани, не само „ИД“.
Фотографија: AP
Каде е активна „Исламска држава“
Целта на „Исламска држава“ е формирање на „калифат“ - држава каде се почитуваат традиционалните вредности на исламот и шеријатското право. Поради нестабилноста на регионите во Сирија и Ирак, „Исламска држава“ успеа да освои и да стави под своја контрола тероитории во двете држави.
Што ја прави „Исламска држава“ различна?
Клучна разлика е бруталноста на „Исламска држава“ со која се влева страв кај противниците и цивилите - преку егзекуцијата со обезглавување и бруталното насилство. Лидерите на „ИД“ велат дека владеат со регионите кои ги освојуваат. Експертот за Средниот Исток, Шади Хамид за ПБС изјави: „Тие нудат социјални услуги. Управуваат со локалната власт. Обезбедуваат минимално ниво на право и поредок“.
Фотографија: gebphotography - Fotolia.com
„ИД“ во однос на останатите терористички организации?
„ИД“ е активна во Сирија и Ирак, но нигериската терористичка организација Боко Харам неодамна ја изрази својата поддршка. Тоа е како натпревар во суровост: додека Боко Харам е одговорна за 13.000 смртни случаи, „ИД“ е одговорна за најмалку 24.000 повредени или убиени. Ал Каеда се дистанцираше од „ИД“, а една од нејзините фракции наречена Нусра Фронт се бори против „ИД“.
Фотографија: Getty Images/A. Katib
Кои се следбениците на „Исламска држава“?
Нешто по кое се разликува „ИД“ се нејзините следбеници. Повеќе од 20.000 странски борци се придружија на групата, од кои повеќе од 4.000 доаѓаат од западна Европа и северна Америка. На сликата се прикажани државите од каде што потекнувааат најголемиот дел на борците. Најголем број борци - споредено со вкупниот број на жители на земјите, доаѓаат од мали земји како Шведска и Белгија.
Што преземаат западните влади против „Исламска држава“?
Од август 2014 година, коалиција предводена од САД спроведува воздушни напади против цели на „ИД“ во Сирија (1.422 напади) и Ирак (2.242 напади). Некои влади исто така беа активни во рамките на нивните држави: Германија ќе процесуира најмалку 30 осомничени милитанти кои се вратиле од Сирија, додека Саудиска Арабија уапси 93 осомничени милитанти во април 2015 година.
6 фотографии1 | 6
Косово, кое претежно муслиманско население, е европска земја со најголем број борци во ИД во сооднос со бројот на население. Според информациите на косовското министерство за внатрешни работи вкупно околу 300 Косовци се имаат приклучено на џихадистичките групи во Сирија и во Ирак.
