Во Украина најмногу гласови за партијата на Јулија Тимошенко
1 октомври 2007Реклама
На парламентарните избори во Украина, според последните податоци, најмногу гласови добила прозападната партија на лидерот на опозицијата, Јулија Тимошенко. Изборната комисија во Киев соопшти дека блокот Јулија Тимошенко добил 33% од гласовите. Партијата на регионите на премиерот Виктор Јанукович, освои речиси 30% гласови, додека партијата Наша Украина на претседателот Виктор Јушченко ја доби довербата на 16% од избирачите. Тимошенко најави дека денеска ќе почне со консултации за состав на нова влада со партијата Наша Украина. Тимошенко и Јушченко постигнаа договор за обновување на нивниот сојуз непосредно пред изборите.