Денеска во Охрид продолжува безбедносниот форум на Евроатлантскиот партнерски совет. На програмата е работниот дел. Генералниот секретар на НАТО Јаап де Хоп Шефер ја отвори пленарната сесија. По него пред присутните зборуваше и македонскиот премиер Никола Груевски. Во текот на денов во работни групи ќе се дебатира за надминување на конфликтот во Авганистан, Косово и иднината на балканот, како и енергетската политика. На форумот се присутни делегации од 49 земји.